Паслы еўрапейскай моладзі

#strongertogether

Ініцыятыва Паслы еўрапейскай моладзі (YEAs) – гэта непалітычная, добраахвотная, дынамічная камунікацыйная сетка, якая наводзіць і будуе масты сяброўства паміж маладымі людзьмі з Арменіі, Азербайджанe, Беларусі, Грузіі, Рэспублікі Малдова, Украіны, а таксама дзяржаваў-членаў ЕС і Вялікабрытаніі. Мэтай сеткі з’яўляецца павышэнне абазнанасці пра супрацоўніцтву ЕС з усходнімі краінамі-партнёрамі, дэманстрацыя адчувальных вынікаў гэтага супрацоўніцтва, садзейнічанне палітычнаму дыялогу па розных тэмах, спрыянне росту грамадзянскай актыўнасці і сумесная праца ў імя лепшай будучыні.

Пазнаёмцеся з нашымі пасламі

Ініцыятыва YEAs была створаная Еўрапейскім Саюзам ў 2016 годзе і на сённяшні дзень у ёй узялі ўдзел больш за тысячу маладых людзей. На сённяшні момант налічваецца больш за 500 актыўных удзельнікаў, якія прадстаўляюць больш за 34 розныя нацыянальнасці.

ЧАСТА ЗАДАВАНЫЯ ПЫТАННІ

1. Мне хацелася б стаць Паслом еўрапейскай моладзі. Што варта зрабіць?
Вы можаце падаць заяўку на тое, каб стаць Паслом еўрапейскай моладзі адзін раз у год падчас прыёму заявак, які звычайна адбываецца ў верасні. Інфармацыя пра конкурс заявак будзе апублікаваная і распаўсюджаная праз інфармацыйныя каналы праекту “Усходняе суседства ЕС”.
2. Ці існуе які-небудзь скрайні тэрмін для выказвання сваёй зацікаўленасці ў тым, каб стаць Паслом еўрапейскай моладзі?
Так, як згадвалася вышэй, штогадовы конкурс заявак, каб стаць Паслом еўрапейскай моладзі, як правіла праводзіцца кожны верасень. Прыём заявак будзе адкрыты на працягу двух тыдняў, што павінна даваць дастаткова часу зацікаўленым асобам, каб падаць сваю заяўку.
3. Як толькі я выкажу сваю зацікаўленасць, каб стаць Паслом еўрапейскай моладзі, ці атрымаю я гэты статус адразу пасля падачы заявы?
Не. Каб стаць Паслом еўрапейскай моладзі, трэба прайсці пэўную працэдуру. Першы этап – выказаць сваю зацікаўленасць, каб стаць Паслом еўрапейскай моладзі. Неўзабаве пасля гэтага з вамі звяжацца нацыянальны каардынатар Паслоў еўрапейскай моладзі. Потым вы павінны будзеце браць актыўны ўдзел у імпрэзах YEAs і ўступнай сесіі для кандыдатаў YEAs, прайсці кароткі тэст, запоўніць анкету і быць у кантакце з нацыянальным каардынатарам Паслоў еўрапейскай моладзі. Заключны этап – гэта зацвярджэнне. На гэтым этапе, акрамя ацэнкі ад праекта “Усходняе суседства ЕС”, ваша кандыдатура будзе прааналізаваная і ўхваленая некалькімі зацікаўленымі бакамі, такімі як Прадстаўніцтва ЕС у вашай краіне і Еўрапейская камісія. Гэты працэс можа здацца складаным, але ён прасцей, чым здаецца!
4. Колькі часу займае працэс, каб стаць Паслом еўрапейскай моладзі?
Пасля завяршэння прыёму заявак неабходна выканаць яшчэ некалькі крокаў, якія патрабуюць дадатковых намаганняў ад кандыдатаў. Увесь працэс ад моманту спынення прыёму заявак да атрымання канчатковых вынікаў займае прыкладна восем тыдняў.
5. Мне вельмі хутка споўніцца 16 гадоў. Ці магу я выказаць сваю зацікаўленасць у тым, каб стаць Паслом еўрапейскай моладзі?
Калі вам споўніцца 16 гадоў на працягу аднаго месяца з моманту выказвання вашай зацікаўленасці ў тым, каб стаць Паслом еўрапейскай моладзі, вы можаце падаваць сваю заяўку. Калі ласка, звярніце ўвагу, што адабраныя кандыдаты ва ўзросце 16-17 гадоў будуць мець толькі права на ўдзел у анлайн-мерапрыемствах і мясцовых імпрэзах на тэрыторыі сваіх краін, але не на міжнародныя паездкі.
6. Мне 25, але вельмі хутка будзе 26. Ці магу я выказаць сваю зацікаўленасць у тым, каб стаць Паслом еўрапейскай моладзі?
Калі да дасягнення 26-гадовага ўзросту засталося больш за шэсць месяцаў, вы можаце падаваць заяўку.
7. Ці магу я выказаць сваю зацікаўленасць у тым, каб стаць Паслом еўрапейскай моладзі, калі я з’яўляюся грамадзянінам адной з краін Усходняга партнёрства, але на дадзены момант пражываю ў іншай краіне?
Так, вы можаце. Аднак звярніце ўвагу, што рашэнне пра ваш выбар будзе залежаць ад нацыянальнага каардынатара Паслоў еўрапейскай моладзі краіны вашага знаходжання і іншых вышэйзгаданых зацікаўленых бакоў ЕС.
8. Колькі Паслоў еўрапейскай моладзі адбіраецца падчас кожнага набору?
Ініцыятыва “Паслы еўрапейскай моладзі” грунтуецца на актыўных людзях. Будзе адабрана столькі зацікаўленых кандыдатаў, якія будуць прызнаны як актыўныя, праявяць імпэт і пройдуць усе неабходныя этапы.
9. Дзе я магу пазнаёміцца з мясцовымі Пасламі еўрапейскай моладзі і як я магу далучыцца да іх грамадзянскай дзейнасці?
Пасля выказвання сваёй зацікаўленасці, каб стаць Паслом еўрапейскай моладзі, і залічэння ў праграму ментарства з вамі будуць на сувязі каардынатары працы з Пасламі еўрапейскай моладзі ў вашай краіне. І вы атрымаеце ад іх усе рэкамендацыі і падрабязную інфармацыю, у тым ліку пра тое, як сустрэцца з нацыянальнай камандай або далучыцца да анлайн-мерапрыемстваў ці іншай грамадскай дзейнасці.
10. Што адбудзецца, калі мне як Паслу еўрапейскай моладзі споўніцца 27 гадоў ?
Адной з вызначальных рысаў гэтай ініцыятывы з’яўляецца яе арыентаваны на моладзь падыход праз сетку YEAs, якія маюць аналагічны ўзроставы дыяпазон. Ад самага пачатку ініцыятыва YEAs была распрацаваная для моладзі ва ўзросце ад 16 да 26 гадоў, і большасць нашых мерапрыемстваў па грамадзянскай дзейнасці арыентаваныя на моладзь у гэтым узроставым дыяпазоне. Пасля таго, як Паслам еўрапейскай моладзі спаўняецца 27 гадоў, яны перастаюць імі быць і таму больш не могуць браць удзел у праграме і, такім чынам, не могуць ўдзельнічаць/арганізоўваць якія-небудзь мерапрыемствы па грамадзянскай дзейнасці ці ўдзельнічаць у міжнародных імпрэзах у рамках праграмы. Яны таксама будуць выдаленыя з афіцыйных рассылак і адпаведных чатаў. Тым не менш, кожны, незалежна ад яго ўзросту, мае магчымасць працягваць падтрымліваць ініцыятыву ў новай ролі, стаўшы ментарам, трэнерам або былым удзельнікам праграмы EU4Youth. Каманда праекту “Усходняе суседства ЕС” і нацыянальныя каардынатары Паслоў еўрапейскай моладзі абмяркоўваюць гэтыя магчымасці з патэнцыяльнымі кандыдатамі на індывідуальнай аснове. Мы робім гэта, каб захаваць агульны характар гэтай ініцыятывы і прапанаваць досвед пабыць Паслом еўрапейскай моладзі для як мага большай колькасці маладых людзей з рэгіёну Усходняга партнёрства і з ЕС. Праект і яго ініцыятыва Паслоў еўрапейскай моладзі будуць працягваць падтрымліваць сувязь з былымі ўдзельнікамі ў іх будучых пачынаннях у якасці маладых спецыялістаў і лідараў сваіх супольнасцяў.
11. Як COVID-19 паўплываў на дзейнасць Паслоў еўрапейскай моладзі?
З прычыны пандэміі і розных абмежаванняў, якія дзейнічаюць у краінах ЕС і Усходняга партнёрства, вялікая частка дзейнасці Паслоў еўрапейскай моладзі перамясцілася ў анлайн. Дзе і калі гэта магчыма, Паслы еўрапейскай моладзі па-ранейшаму арганізуюць афлайн-імпрэзы грамадзянскай актыўнасці пры выкананні ўсіх пандэмійных захадаў, прадугледжаных мясцовымі ўладамі. Разам з тым, ініцыятыва працягвае набіраць абароты і праводзіцца мноства мерапрыемстваў, вебінараў, семінараў, сеткавых і інфармацыйна-асветніцкіх імпрэзаў і г. д. Вы можаце пазнаёміцца са спісам мерапрыемстваў Паслоў еўрапейскай моладзі тут.

Як я магу стаць Паслом еўрапейскай моладзі?

Вы:

  • з’яўляецеся грамадзянінам адной з дзяржаваў-членаў ЕС, Вялікабрытаніі або шасці ўсходніх краін-партнёраў (Арменіі, Азербайджану, Беларусі, Грузіі, Рэспублікі Малдова, Украіны);
  • ва ўзросце ад 16 да 26 гадоў;
  • з добрым узроўнем англійскай мовы;
  • цікавіцеся ЕС, партнёрствам і супрацоўніцтвам паміж ЕС і вашай краінай
  • цікавіцеся публічнай дыпламатыяй і інфармацыйнай дзейнасцю, гатовыя дзяліцца ведамі, досведам і інфармацыяй;
  • зацікаўленыя ў садзейнічанні развіццю вашай супольнасці і краіны
  • зацікаўленыя ў валанцёрскай дзейнасці і гатовыя прысвяціць дастаткова часу грамадзянскай актыўнасці?

Калі так, запрашаем падпісацца на нашу рассылку з навінамі і чакаць абвяшчэння штогадовага восеньскага набору ў верасні!

АПОШНІЯ НАВІНЫ


Цікавіцеся апошнімі навінамі і магчымасцямі?

Гэты вэб-сайт адмініструецца фінансаванай праз ЕС Рэгіянальнай камунікацыйнай праграмай для Усходняга суседства ("УСХОДНЯЕ СУСЕДСТВА ЕС") на 2020-2024 гады. Праграма дапаўняе і падтрымлівае камунікацыйную працу Прадстаўніцтваў ЕС ва ўсходніх краінах-партнёрах і працуе пад кіраўніцтвам Генеральнага дырэктарата Еўрапейскай камісіі па палітыцы суседства і перамоваў аб пашырэнні і Службы знешніх дзеянняў ЕС. Праект рэалізуецца кансорцыумам пад кіраўніцтвам B&S Europe.

Інфармацыя на гэтым сайце кіруецца Заявай аб абмежаванні адказнасці і Абаронай персанальных дадзеных.
© Еўрапейскі Саюз,