Еўрапейская рада: пяцьдзясят гадоў сумеснай працы

Еўрапейская рада апублікавала спецыяльную старонку, на якой тлумачыцца, як яна паўстала і стала стратэгічным інстытутам ЕС.

На старонцы тлумачыцца, як Еўрапейская рада паўстала з самітаў кіраўнікоў дзяржаваў і ўрадаў шасці краінаў, якія заснавалі еўрапейскія супольнасці пасля Другой сусветнай вайны. Першы Еўрапейскі саміт адбыўся ў Парыжы ў лютым 1961 г.

9 і 10 снежня 1974 года па запрашэнні прэзідэнта Францыі Валеры Жыскара д’Эстэна кіраўнікі дзяржаваў і ўрадаў сустрэліся ў Парыжы на чарговым саміце, які пазней будзе лічыцца момантам заснавання Еўрапейскай рады.

Пасля саміту Жыскар д’Эстэн абвясціў прэсе: «Еўрапейскі саміт памёр, няхай жыве Еўрапейская рада!»

На старонцы асвятляецца прыняцце дамоваў, якія надалі Еўрапейскай радзе больш паўнамоцтваў і зрабілі яе больш эфектыўнай.

На старонцы таксама распавядаецца пра выклікі, з якімі сутыкнуўся ЕС, у тым ліку пра міграцыйны крызіс, Брэкзіт, COVID-19 і агрэсіўную вайну Расіі супраць Украіны.

«Пасля таго, як у 2022 годзе Расія распачала паўнамаштабную вайну-агрэсію супраць Украіны, Еўрапейская рада прыняла важныя рашэнні, каб зменшыць стратэгічную залежнасць, паступова адмовіцца ад залежнасці ЕС ад расійскага газу і ўзмацніць абаронныя магчымасці», — гаворыцца на старонцы. «Зараз Украіна і Малдова з’яўляюцца краінамі-кандыдатамі на сяброўства ў Еўрапейскім Саюзе».

На старонцы яшчэ змяшчаецца інфармацыя пра былых і цяперашняга старшыню Еўрапейскай рады, а таксама прыводзяцца важныя факты і лічбы.

Даведацца больш

Вэб-старонка: Пяцьдзясят гадоў сумеснай працы