ЕС вітае новае вызваленне беларускіх палітычных зняволеных

Вярхоўны прадстаўнік ЕС па замежных справах і палітыцы бяспекі Кая Калас павітала вызваленне Алеся Беляцкага, Марыі Калеснікавай, Максіма Знака і яшчэ 121 чалавека, якія вызваліліся з беларускіх турмаў. Яны былі вызвалены 13 снежня і з’ехалі з Беларусі ва Украіну і Літву.

«Я падзяляю радасць іх сямей і сяброў. Заслуга ў гэтым належыць ЗША, якія зрабілі гэта магчымым,» — напісала Кая Калас у Х. «Цяпер павінны быць вызвалены ўсе, хто застаецца несправядліва зняволеным».

9 снежня Еўрапейскі саюз паведаміў пра новы пакет падтрымкі для народа Беларусі. Распрацаваны ў цеснай камунікацыі з беларускімі дэмакратычнымі сіламі і грамадзянскай супольнасцю. Новы пакет, сярод іншага, будзе накіраваны на дапамогу ахвярам рэпрэсій.

Даведацца больш:

Прэс-рэліз