Фонд грамадзянскай супольнасці Усходняга партнёрства пачынае прыём заявак на праграму Fellowships without Borders 2026 (Стыпендыі па-над межамі)

Фонд грамадзянскай супольнасці Усходняга партнёрства абвясціў пра другі конкурс заявак на атрыманне стыпендыі грамадзянскай супольнасці Усходняга партнёрства 2026 года.

Гэты спецыяльны конкурс уводзіць “Стыпендыі па-над межамі” – новую магчымасць для актывістаў грамадзянскай супольнасці з Азербайджану, Арменіі, Беларусі, Грузіі, Малдовы і Украіны, чыя праца, навучанне, партнёрства або супольнасць выходзяць па-за рамкі нацыянальных межаў.

Дзейнасць можа адбывацца ў краінах Усходняга партнёрства, краінах-чальцах Еўрапейскага саюзу або краінах-кандыдатах у ЕС пры ўмове, што яна мае каштоўнасць для супольнасці Усходняга партнёрства.

“Стыпендыі па-над межамі” маюць на мэце падтрымліваць актывістаў грамадзянскай супольнасці, якія хочуць:

• вучыцца ў актараў і арганізацыяў грамадзянскай супольнасці ў іншай краіне;
• будаваць партнёрскія ўзаемадачыненні і сеткі салідарнасці па-над межамі;
• падтрымліваць супольнасці з рэгіёну Усходняга партнёрства, дзе б яны ні знаходзіліся;
• прынесці новыя веды, уменні і падыходы ў свае супольнасці ;
• узмацніць грамадзянскую актыўнасць, патэнцыял адвакатавання, падсправаздачнасць і грамадскія змены праз міжнароднае супрацоўніцтва.

Паспяховыя кандыдаты могуць разлічваць на прыблізна € 5 000 фінансавай падтрымкі, коучынг ад экспертаў і магчымасці далучыцца да сеткавай дзейнасці і кола выпускнікоў.

Кандыдаты павінны:

• быць грамадзянамі Азербайджану, Арменіі, Беларусі, Грузіі, Малдовы або Украіны;
• мець не менш за 18 гадоў;
• мець даказаны досвед грамадзянскага ўдзелу, лідарства ў супольнасці або грамадзянскага інаватарства;
• прадэманстраваць добрае працоўнае валоданне англійскай мовай (мінімальны ўзровень B1);
• раней не быць удзельнікам Стыпендыяльнай праграмай грамадзянскай супольнасці Усходняга партнёрства.

Апошні тэрмін падачы заявак – 11 верасня.

Вэбінар пра тое, як падрыхтаваць паспяховую заяўку на стыпендыю, адбудзецца 15 ліпеня 2026 года. Зарэгістравацца на вэбінар тут.

Даведацца больш

Прэс-рэліз