Прыём заявак: Хакатон грамадзянскіх тэхналогіяў Усходняга партнёрства 2026 г.

Фінансаваны ЕС Фонд грамадзянскай супольнасці Усходняга партнёрства запрашае падаваць заяўкі на ўдзел у сёмым Хакатоне грамадзянскіх тэхналогіяў Усходняга партнёрства 2026 году, які дапамагае энтузіястам грамадзянскіх тэхналогіяў распрацоўваць і запускаць грамадзянскія тэхналагічныя рашэнні для рэгіёну Усходняга партнёрства.

У гэтым годзе каля 15 сфармаваных каманд грамадзянскіх актывістаў з краінаў Усходняга партнёрства (Азербайджан, Арменія, Беларусь, Грузія, Малдова і Украіна) і ІТ-спецыялістаў як з краін Усходняга партнёрства, так і ЕС будуць працаваць над прапанаванымі імі грамадзянскімі тэхналагічнымі рашэннямі для вырашэння чатырох грамдскіх праблемаў у рэгіёне: 

• процідзеянне анлайн-дэзынфармацыі і місынфармацыі, 
• барацьба з  палярызацыяй грамадства, 
• умацаванне ўстойлівасці грамадзянскай супольнасці, 
• падтрымка бежанцаў, унутрана перамешчаных асобаў (УПА) і асобаў, якія шукаюць прытулку. 

Найбольш перспектыўныя рашэнні, распрацаваныя падчас Хакатону 2026 году, будуць намінаваныя на ўзнагароды «Лічбавыя тэхналогіі для грамадзянскай супольнасці Усходняга партнёрства», якая прадугледжвае фінансавую і экспертную падтрымку з боку ЕС для далейшага развіцця і запуску. 

Чаканая сярэдняя сума падтрымкі на пераможцу складзе10 000 еўра. У выключных выпадках ўзнагарода можа сягаць 12 000 еўра.

Сам Хакатон пройдзе 17-19 красавіка 2026 года ў Кішынёве, яму будзе папярэднічаць на працягу сакавіка-красавіка інтэнсіўная інкубацыйная анлайн-праграма для адабраных у кароткі спіс камандаў.

Удзел адкрыты для грамадзянаў Азербайджану, Арменіі, Беларусі, Грузіі, Малдовы і Украіны. Тэхнічныя эксперты з дзяржаваў-удзельніц ЕС могуць браць удзел у якасці чальцоў камандаў Хакатону.

Заяўкі прымаюцца толькі ад каманд з ідэяй грамадзянскага тэхналагічнага рашэння і мінімальным наборам тэхнічных навыкаў для яго прататыпавання. Індывідуальныя заяўкі на гэты раз не прымаюцца.

Удзел у Хакатоне бясплатны. Для адабраных камандаў ЕС пакрывае выдаткі на праезд да/з Кішынёву, пражыванне ў гатэлі і харчаванне падчас Хакатону. 

Апошні тэрмін падачы заявак – 2 сакавіка.

Фонд грамадзянскай супольнасці Усходняга партнёрства – гэта фінансаваны ЕС праект, які працуе з шасцю краінамі Усходняга партнёрства для ўмацавання ролі і павелічэння патэнцыялу арганізацыяў грамадзянскай супольнасці і актывістаў з усіх шасці краінаў. 

Даведацца больш

Прэс-рэліз 

Хакатон грамадзянскіх тэхналогіяў Усходняга партнёрства 2026 г.