Конкурс InvigoratEU: Якая будучыня для еўрапейскага кантыненту?

Трансеўрапейская асацыяцыя даследаванняў палітыкі (TEPSA) запрашае ўсіх, хто зацікаўлены ў будучыні Еўропы і пашырэнні ЕС узяць удзел у конкурсе “Якая будучыня для еўрапейскага кантыненту?” і падзяліцца сваімі ідэямі і бачанням, каб зрабіць свой унёсак у больш абдымны публічны дэбат пра магчымасці, што можа даць пашыраны ЕС.

TEPSA вітае заяўкі ў трох катэгорыях: пісьмовыя эсэ (максімум 2000 словаў), паэзія (вершы не павінны перавышаць 500 словаў) і аўдыявізуальныя творы (працягласцю да 2 хвілінаў), дзе даюцца адказы на тэму будучыні Еўропы і пашырэння ЕС.

Конкурс адкрыты для студэнтаў, маладых спецыялістаў і ўсіх, хто цікавіцца будучыняй Еўропы і пашырэннем ЕС ва ўзросце ад 18 гадоў і старэй. Да ўдзелу запрашаюцца ўсе незалежна ад грамадзянства ці месца пражывання.

Трое пераможцаў конкурсу будуць запрошаныя на фінальную канферэнцыю InvigoratEU 4-5 лістапада 2026 года ў Бруселі. Ім аплацяць праезд і пражыванне на суму да 500 €.

Ваша праца будзе прадстаўленая на сустрэчы кансорцыуму InvigoratEU і будзе прасоўвацца анлайн праз TEPSA, г.зн., яе ўбачаць вядучыя даследнікі, палітыкі і практыкі ў сферы пашырэння ЕС.

Апошні тэрмін падачы заявак – 24 ліпеня.

TEPSA – першая даследчая сетка па пытаннях ЕС, якая складаецца з вядучых навукова-даследчых інстытутаў па ўсёй Еўропе са штаб-кватэрай у Бруселі. На дадзены момант сетка складаецца з 51 інстытутаў-чальцоў і асацыяваных чальцоў, размешчаных у 37 еўрапейскіх краінах.

Даведацца больш

Прэс-рэліз