ЕС выказаў занепакоенасць лёсам як мінімум 863 палітычных зняволеных у Беларусі

Еўрапейскі саюз вітаў нядаўняе вызваленне 28 палітычных зняволеных у Беларусі, аднак таксама выказаў занепакоенасць лёсам як мінімум 863 палітычных вязняў (паводле звестак беларускага праваабарончага цэнтра «Вясна», які працуе ў выгнанні).

Яны «па-ранейшаму несправядліва ўтрымліваюцца ў жахлівых умовах, ізаляцыі ад сем’яў і адвакатаў, зазнаюць жорсткае абыходжанне і катаванні, а таксама не маюць доступу да неабходнай медыцынскай дапамогі», гаворыцца ў заяве Дэлегацыі ЕС пры Радзе Еўропы, апублікаванай 8 ліпеня.

ЕС таксама выказаў занепакоенасць новымі затрыманнямі і паўторнымі арыштамі, абмежаваннямі правоў і свабод вызваленых асоб.

«Мы па-ранейшаму глыбоку занепакоеныя пагаршэннем сітуацыі з правамі чалавека ў Беларусі і рашуча асуджаем бесперапынныя кампаніі пераследу і запалохвання ўсіх слаёў беларускага грамадства з боку беларускага рэжыму, у тым ліку праваабаронцаў, журналістаў, незалежных прафсаюзных дзеячаў, прадстаўнікоў грамадзянскай супольнасці і асоб, якія належаць да нацыянальных меншасцяў», — гаворыцца ў заяве.

ЕС зноў заклікаў да неадкладнага і безумоўнага вызвалення ўсіх палітычных зняволеных, якія застаюцца ў Беларусі, іх поўнай рэабілітацыі, а таксама заклікаў беларускія ўлады спыніць рэпрэсіі.

Да гэтай заявы далучыліся Албанія, Андора, Боснія і Герцагавіна, Ліхтэнштэйн, Малдова, Манака, Чарнагорыя, Паўночная Македонія, Нарвегія, Сан-Марына, Украіна і Вялікабрытанія.

Даведацца больш

Прэс-рэліз