SALT III: Падтрымка навучання і перападрыхтоўкі для вызваленых беларускіх палітзняволеных і рэпрэсаваных асобаў 

Цэнтральнае агенцтва па кіраванні праектамі Літвы (CPMA) запусціла трэці раўнд сваёй праграмы падтрымкі навучання і перападрыхтоўкі вызваленых беларусаў рамках фінансаванай ЕС ініцыятывы “Падтрымка паглыбленага навучання і прафесійнай падрыхтоўкі” (Salt III).

У рамках абвешчанага набору заявак праграма будзе аказваць падтрымку ў сферы адукацыі і занятасці вызваленым беларускім палітвязням і асобам, якія пацярпелі ад палітычнага пераследу і страцілі крыніцу даходу ў выніку палітычных рэпрэсіяў пачынаючы ад жніўня 2020 года.

Заяўнікі могуць атрымаць грантавую падтрымку на наступныя дзеянні, што адбываюцца ў ЕС:

• Прафесійная адукацыя (да 12 месяцаў),
• Курсы перападрыхтоўкі і падвышэння кваліфікацыі,
• Сертыфікаваныя моўныя курсы і экзамены,
• Настрафікацыя дыплома, вучонай ступені або адукацыйных сертыфікатаў,
• Курсы на атрыманне пасведчання кіроўцы (усе катэгорыі, пачынаючы з катэгорыі С і далей. Падтрымліваецца пацвярджэнне правоў катэгорыі B толькі ў тых выпадках, калі гэта патрэбна для атрымання катэгорыі С і далей),
• Атрыманне кваліфікацыйных сертыфікатаў і здача іспытаў.

Конкурс падзелены на дзве часткі: для былых палітзняволеных (Лот 1) і для палітычна рэпрэсаваных асобаў (Лот 2). 

Каб прэтэндаваць на падтрымку, заяўнік павінен быць грамадзянінам Рэспублікі Беларусь ва ўзросце ад 18 гадоў і на момант падачы заяўкі павінен пражываць у краіне ЕС ці ЕЭП або адной з краінаў Усходняга партнёрства (Азербайджан, Арменія, Беларусь, Грузія, Малдова, Украіна). У выпадку пражывання за межамі Беларусі заяўнікі павінны былі выехаць з Беларусь пасля жніўня 2020 года.

Каб падаць заяўку ў рамках Лоту 1 заяўнік павінен быць уключаным ў спіс палітычных зняволеных і асуджаных па палітычных крымінальных справах, што публікуецца Праваабарончым цэнтрам “Вясна” на сайце тут.

Каб падаць заяўку ў рамках Лоту 2 заяўнікі павінны прадэманстраваць, што яны знаходзіліся пад пагрозамі з боку рэжыму ў Беларусі і сталі ахвяраў рэальнага пераследу/рэпрэсіяў, або падлягалі рызыцы пагрозы, пераследу, рэпрэсіяў па палітычных матывах/грамадзянскай пазіцыі/удзелу ў мірных пратэстаў (на аснове афіцыйных пратаколаў або іншых дакументаў, такіх як лісты падтрымкі, выдадзеныя незалежнымі праваабарончымі арганізацыямі, артыкулы са СМІ і г.д.) і страцілі магчымасць працягнуць вучобу або працу.

Сукупны прыкладны бюджэт у рамках гэтага раўнду складае 70 тыс. еўра.

Апошні тэрмін падачы заявак – 31 траўня.

Даведацца больш

Прэс-рэліз