Երիտասարդ եվրոպական դեսպաններ

#strongertogether

«Երիտասարդ եվրոպական դեսպաններ» (ԵԵԴ) նախաձեռնությունն ապաքաղաքական, կամավորական, կենսունակ հաղորդակցական ցանց է, որը կապում և բարեկամության կամուրջներ է կառուցում Հայաստանի, Ադրբեջանի, Բելառուսի, Վրաստանի, Մոլդովայի, Ուկրաինայի և ԵՄ անդամ երկրների ու Միացյալ թագավորության երիտասարդների միջև։ Ցանցի նպատակն է` բարձրացնել իր արևելյան գործընկեր երկրների հետ ԵՄ համագործակցության մասին իրազեկությունը, ցուցադրել այդ համագործակցության շոշափելի արդյունքները, նպաստել տարբեր թեմաների շուրջ քաղաքական երկխոսությանը, բարձրացնել քաղաքացիական ակտիվության մակարդակը և միասին աշխատել հանուն ավելի լավ ապագայի:

Ծանոթացեք մեր դեսպանների հետ

ԵԵԴ նախաձեռնությունը ստեղծվել է Եվրոպական միության կողմից 2016 թվականին՝ մինչ օրս ներգրավելով ավելի քան հազար երիտասարդների: Ներկայումս ակտիվորեն գործում են 34 տարբեր ազգություններ ներկայացնող ավելի քան 500 երիտասարդ եվրոպական դեսպաններ։

ԲոլորըՀայաստանԱդրբեջանԲելառուսՎրաստանՄոլդովաՈւկրաինաԵՄՄիացյալ Թագավորություն

Հաճախ տրվող հարցեր

1. Ես ցանկանում եմ դառնալ երիտասարդ եվրոպական դեսպան: Ի՞նչ պետք է անեմ։
Երիտասարդ եվրոպական դեսպան դառնալու համար կարող եք հայտ ներկայացնել տարին մեկ անգամ` հայտերի ընդունման ժամանակ, որը սովորաբար տեղի է ունենում սեպտեմբեր ամսին: Հայտերի ընդունման մասին տեղեկատվությունը կհրապարակվի և կտարածվի «ԵՄ արևելյան հարևանություն» ծրագրի (EU NEIGHBOURS east) հաղորդակցական խողովակներով։
2. Կա՞ արդյոք որևէ վերջնաժամկետ՝ երիտասարդ եվրոպական դեսպան դառնալու նպատ
Այո։ Ինչպես նշվեց վերևում, երիտասարդ եվրոպական դեսպան դառնալու համար, որպես կանոն, սեպտեմբեր ամսին անցկացվում է ամենամյա հայտամրցույթ: Հայտերի ընդունման գործընթացը բաց է լինում երկու շաբաթ, ինչը բավարար ժամանակ է, որպեսզի հետաքրքրված դիմորդները ներկայացնեն իրենց հայտերը:
3. Երբ ես հայտնեմ երիտասարդ եվրոպական դեսպան դառնալու մասին իմ հետաքրքրությունը, արդյոք կստանա՞մ այդ կարգավիճակը դիմելուց անմիջապես հետո:
Ոչ: Երիտասարդ եվրոպական դեսպան դառնալու համար անհրաժեշտ է անցնել որոշակի փուլերով: Առաջին փուլում դուք հայտնում եք երիտասարդ եվրոպական դեսպան դառնալու մասին ձեր հետաքրքրությունը: Կարճ ժամանակ անց ձեզ հետ կապվում է ԵԵԴ տեղական համակարգողը: Այնուհետև դուք պետք է ակտիվորեն մասնակցեք ԵԵԴ միջոցառումներին և ԵԵԴ թեկնածուների ներածական դասընթացին, անցնեք կարճ վիկտորինա, լրացնեք հայտի փաթեթը և կապ հաստատեք երիտասարդ եվրոպական դեսպանների տեղական համակարգողի հետ: Վերջին փուլը ենթադրում է առաջադրում: Այս փուլում, «ԵՄ արևելյան հարևանություն» ծրագրի գնահատումից զատ, ձեր թեկնածությունը վերլուծվում և հաստատվում է մի շարք շահագրգիռ կողմերի կողմից, ինչպիսիք են ձեր երկրում ԵՄ պատվիրակությունը և Եվրոպական հանձնաժողովը: Գործընթացը կարող է աշխատատար թվալ, բայց ամեն ինչ ավելի հեշտ է, քան թվում է:
4. Որքա՞ն ժամանակ է պահանջվում Եվրոպական երիտասարդ դեսպան դառնալու համար:
Հայտերի ընդունման գործընթացի փակվելուց հետո անհրաժեշտ է կատարել ևս մի քանի քայլ, որոնք լրացուցիչ գործողություններ են պահանջում թեկնածուների կողմից: Հայտերի ընդունման ավարտից մինչև վերջնական արդյունքների ամփոփման գործընթացը տևում է մոտ ութ շաբաթ:
5. Շուտով ես կդառնամ 16 տարեկան: Կարո՞ղ եմ արդեն հայտնել իմ հետաքրքրությունը` երիտասարդ եվրոպական դեսպան դառնալու վերաբերյալ:
Եթե ձեր 16–ամյակը լրանալու է երիտասարդ եվրոպական դեսպան դառնալու հետաքրքրություն հայտնելուց հետո մեկամսյա ժամկետում, ապա կարող եք դիմել: Խնդրում ենք նկատի ունենալ, որ 16-17 տարեկան ընտրված թեկնածուներն իրավունք կունենան մասնակցել բացառապես առցանց և իրենց երկրներում տեղական միջոցառումներին, այլ ոչ միջազգային ճանապարհորդություն ենթադրողներին:
6. Ես 25 տարեկան եմ, բայց շուտով կլրանա իմ 26–ը: Դեռևս կարո՞ղ եմ երիտասարդ եվրոպական դեսպան դառնալու հետաքրքրություն հայտնել:
Եթե մինչև 26 տարեկան դառնալը վեց ամսից ավելի ժամանակ կա, կարող եք դիմել:
7. Կարո՞ղ եմ երիտասարդ եվրոպական դեսպան դառնալու հետաքրքրություն հայտնել, եթե Արևելյան գործընկերության երկրներից մեկի քաղաքացի եմ, բայց ներկայումս գտնվում եմ այլ երկրում:
Այո, կարող եք։ Այնուամենայնիվ, նկատի ունեցեք, որ ձեզ ընտրելու որոշումը կախված կլինի ԵԵԴ տեղական համակարգողից և վերը նշված ԵՄ այլ շահագրգիռ կողմերից:
8. Քանի՞ երիտասարդ եվրոպական դեսպան է ընտրվում յուրաքանչյուր ընդունելության ժամանակ:
«Երիտասարդ եվրոպական դեսպաններ» նախաձեռնությունն ունի առաջանցիկ բնույթ: Կընտրվեն այնքան թվով շահագրգիռ թեկնածուներ, որքանը կհամարվեն ակտիվ, հետաքրքրված ու կանցնեն անհրաժեշտ բոլոր փուլերը:
9. Որտե՞ղ կարող եմ ծանոթանալ տեղական երիտասարդ եվրոպական դեսպանների հետ և ինչպե՞ս կարող եմ միանալ նրանց քաղաքացիական ակտիվության գործողություններին:
Երիտասարդ եվրոպական դեսպան դառնալու հետաքրքրություն հայտնելուց և մենթորության ծրագրում ընդգրկվելուց հետո դուք կկապվեք ձեր երկրում երիտասարդ երիտասարդ դեսպանների համակարգողների հետ: Հետևաբար, դուք նրանցից կստանաք բոլոր ցուցումներն ու մանրամասները, այդ թվում՝ ինչպես հանդիպել ազգային թիմին կամ միանալ առցանց/քաղաքացիական ակտիվության միջոցառումներին:
10. Ի՞նչ է լինում ինձ հետ որպես ԵԵԴ, երբ լրանում է իմ 27–ամյակը:
Այս նախաձեռնության որոշիչ գործոններից մեկը դրա երիտասարդակենտրոն մոտեցումն է: ԵԵԴ նախաձեռնությունն ի սկզբանե նախատեսված է եղել 16-ից 26 տարեկան երիտասարդների համար, և մեր քաղաքացիական ակտիվության գործողությունների մեծամասնությունն ուղղված է այս տարիքային խմբի երիտասարդներին: Երբ լրանում է առանձին երիտասարդ եվրոպական դեսպանի 27–ամյակը, նա այլևս չի համարվում այդպիսին և, հետևաբար, չի կարողանա մասնակցել/սկսել քաղաքացիական ակտիվության որևէ գործողություն կամ մասնակցել ծրագրով նախատեսված միջազգային միջոցառումներին: Նրանք նաև կհեռացվեն պաշտոնական հաղորդակցությունից և համապատասխան չաթերից: Այնուամենայնիվ, յուրաքանչյուր ոք, անկախ իր տարիքից, հնարավորություն ունի շարունակել աջակցել նախաձեռնությանը նոր դերում՝ դառնալով մենթոր, դասընթացավար կամ EU4Youth–ի շրջանավարտ: «ԵՄ արևելյան հարևանություն» ծրագրի թիմը և երիտասարդ եվրոպական դեսպանների տեղական համակարգողներն այս տարբերակները կքննարկեն հավանական թեկնածուների հետ՝ անհատական ​​հիմունքներով: Մենք դա անում ենք այս նախաձեռնության ընդհանուր ոգին պահպանելու և ԵԵԴ փորձը ԱլԳ տարածաշրջանի ու Եվրամիության հնարավորինս շատ երիտասարդների առաջարկելու համար։ Ծրագիրն ու նրա ԵԵԴ նախաձեռնությունը կշարունակեն կապ պահպանել նախկին ԵԵԴ–ների հետ իրենց ապագա ջանքերում, ովքեր արդեն հանդես կգան որպես երիտասարդ մասնագետներ և համայնքային առաջնորդներ:
11. Ինչպե՞ս է COVID-19-ը ազդել ԵԵԴ գործունեության վրա:
ԵՄ և ԱլԳ երկրներում համավարակի և տարբեր սահմանափակումների պատճառով ԵԵԴ գործունեության մեծ մասը տեղափոխվել է առցանց տիրույթ: Հնարավորության դեպքում ԵԵԴ-ները դեռևս կազմակերպում են քաղաքացիական ակտիվության անցանց գործողություններ՝ հետևելով տեղական իշխանությունների սահմանած անվտանգության պահանջներին: Այնուամենայնիվ, նախաձեռնությունը շարունակում է իր տեմպը՝ առաջարկելով բազմաթիվ միջոցառումներ, վեբինարներ, աշխատաժողովներ, կապերի հաստատման ու իրազեկման գործողություններ և այլն: ԵԵԴ միջոցառումների ցանկին կարող եք ծանոթանալ այստեղ:

Ինչպե՞ս կարող եմ դառնալ երիտասարդ եվրոպական դեսպան:

Դուք՝

  • Եվրոպական միության անդամ պետություններից մեկի, Մեծ Բրիտանիայի կամ արևելյան վեց գործընկեր երկրներից մեկի (Հայաստան, Ադրբեջան, Բելառուս, Վրաստան, Մոլդովա կամ Ուկրաինա) քաղաքացի՞ եք.
  • 16-ից 26 տարեկա՞ն եք.
  • տիրապետո՞ւմ եք վարժ անգլերենի
  • հետաքրքրվա՞ծ եք ԵՄ-ով ու ԵՄ-ի և ձեր երկրի գործընկերությամբ ու համագործակցությամբ․
  • հետաքրքրվա՞ծ եք հանրային դիվանագիտությամբ և իրազեկման աշխատանքներով ու պատրա՞ստ եք կիսվել գիտելիքներով, փորձով և տեղեկատվությամբ․
  • մոտիվացվա՞ծ եք՝ նպաստելու ձեր համայնքի և երկրի զարգացմանը․
  • հետաքրքրվա՞ծ եք կամավորական աշխատանքով և պատրա՞ստ եք բավականաչափ ժամանակ հատկացնել քաղաքացիական ակտիվության գործողությունների մաս կազմելու համար: 

Եթե այո, ապա բաժանորդագրվեք մեր նորություններին և սպասեք սեպտեմբերին հայտարարվող ամենամյա աշնանային կոչին:

ՎԵՐՋԻՆ ԼՈՒՐԵՐ

Հետաքրքրվա՞ծ եք վերջին նորություններով ու հնարավորություններով

Բաժանորդագրվե՛ք հիմա

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է B&S Europe-ի գլխավորած կոնսորցիումը:

Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© Եվրոպական միություն,