#strongertogether

ახალგაზრდა ევროპელი ელჩების ინიციატივა წარმოადგენს არაპოლიტიკურ, ნებაყოფლობით, ქმედით საკომუნიკაციო ქსელს, რომელიც ხელს უწყობს კავშირების და მეგობრული ურთიერთობების დამყარებას აზერბაიჯანის, ბელარუსის, მოლდოვის რესპუბლიკის, საქართველოს, სომხეთის, უკრაინის წარმომადგენელ ახალგაზრდებსა და მათ თანატოლებს შორის ევროკავშირის წევრი სახელმწიფოებსა და გაერთიანებული სამეფოში. ამ ქსელის მიზანია მოსახლეობის უკეთ ინფორმირება ევროკავშირის თანამშრომლობის შესახებ მის აღმოსავლეთ პარტნიორ ქვეყნებთან, ამ თანამშრომლობის რეალური შედეგების დემონსტრირება, პოლიტიკური დიალოგის ხელშეწყობა სხვადასხვა საკითხზე, სამოქალაქო აქტივიზმის გაძლიერების მხარდაჭერა და ერთობლივი საქმიანობა უკეთესი მომავლისათვის.

გაიცანით ჩვენი ელჩები

ახალგაზრდა ევროპელი ელჩების ინიციატივას 2016 წლის ივნისში, EU NEIGHBOURS east პროექტის ნაწილად ჩაეყარა საფუძველი. მასში დღემდე 30-ზე მეტი ქვეყნის წარმომადგენელ 1,700-ზე მეტ ახალგაზრდას მიუღია მონაწილეობა.

ხშირად დასმული კითხვები

1. როგორია შერჩევის კრიტერიუმები?

შენ:

  • უნდა იყო ევროკავშირის წევრი სახელმწიფოს, გაერთიანებული სამეფოს ან აღმოსავლეთ პარტნიორი ექვსი ქვეყნიდან ერთ-ერთის — აზერბაიჯანის, ბელარუსის, მოლდოვის რესპუბლიკის, საქართველოს, სომხეთის ან უკრაინის — მოქალაქე;
  • უნდა იყო 16-იდან 26 წლამდე ასაკის;
  • კარგად უნდა იცოდე ინგლისური ენა;
  • უნდა გაინტერესებდეს ევროკავშირის საქმიანობა და ევროკავშირსა და აღმოსავლეთ პარტნიორობის ქვეყნებს შორის თანამშრომლობა;
  • უნდა გაინტერესებდეს სახალხო დიპლომატია და მზად იყო თანატოლებისა და ფართო საზოგადოებისთვის ცოდნის, გამოცდილების და ინფორმაციის გასაზიარებლად;
  • უნდა გსურდეს შენი საზოგადოებისა და ქვეყნის განვითარებაში წვლილის შეტანა;
  • უნდა გაინტერესებდეს მოხალისეობრივი საქმიანობა და მზად იყო საზოგადოებასთან ურთიერთობისთვის საკმარისი დროის დასათმობად.
2. რა დრო მიაქვს ახალგაზრდა ევროპელ ელჩად გახდომის პროცესს?

მას მერე, რაც განაცხადების მიღება დასრულდება, კანდიდატებს კიდევ რამდენიმე ეტაპის გავლა მოუწევთ. პირველ ეტაპზე შერჩეულ კანდიდატებს მიიწვევენ ინტერვიუზე. ამის მერე, კანდიდატებს, რომლებიც წარმატებით გაივლიან ინტერვიუს ეტაპს, დაევალებათ დამატებითი ინფორმაციის წარდგენა (იქნება ეს პროფილის ფოტოს გაგზავნა, თანხმობის ფორმებისთვის ხელის მოწერა თუ ვებსაიტის პროფილისთვის ტექსტის შედგენა). უკანასკნელ ეტაპზე კი კანდიდატების პროფილები დასამტკიცებლად პროექტის ხელმძღვანელებს გადაეგზავნებათ. განაცხადების მიღების დასრულებიდან საბოლოო შედეგების გამოცხადებამდე მთლიანი პროცესი, დაახლოებით, რვა კვირა გრძელდება.

3. რამდენი ახალგაზრდა ევროპელი ელჩი შეირჩევა კონკურსის განმავლობაში?

ახალგაზრდა ევროპელი ელჩების ქსელი პროაქტიული ინიციატივაა. შესაბამისად, გამარჯვების შანსი აქვს ყველას, ვინც წარმატებით გაივლის კონკურსის ყველა ეტაპს და გამოავლენს ინტერესსა და ქსელში აქტიურად ჩართვის სურვილს.

4. 16 წლის ცოტა ხანში ვხდები. შემიძლია თუ არა შევიტანო განაცხადი ახალგაზრდა ევროპელი ელჩების პროგრამაში მონაწილეობის მისაღებად?

შეგიძლია იმ შემთხვევაში, თუ განაცხადის შეტანიდან ერთი თვის განმავლობაში გისრულდება 16 წელი. გთხოვ, გაითვალისწინო, რომ 16-17 წლის ასაკის შერჩეულ კანდიდატებს მხოლოდ ონლაინ საქმიანობისა და საკუთარ ქვეყნებში გამართულ ადგილობრივ ღონისძიებებში მონაწილეობის უფლება ექნებათ და ისინი საზღვარგარეთ ვერ გაემგზავრებიან.

5. 25 წლის ვარ, მაგრამ 26 წლის მალე გავხდები. შემიძლია თუ არა შევიტანო განაცხადი ახალგაზრდა ევროპელი ელჩების პროგრამაში მონაწილეობის მისაღებად?

კი, შენ შეგიძლია განაცხადის შევსება იმ შემთხვევაში, თუ 2023 წლის 1 ოქტომბრის შუაღამემდე, ანუ განაცხადების შეტანის ვადის ამოწურვამდე, არ გისრულდება 27 წელი.

6. რა ხდება, როცა ახალგაზრდა ევროპელი ელჩი 27 წლის ხდება?

ამ ინიციატივის ერთ-ერთი განმსაზღვრელი მახასიათებელი ისაა, რომ ის ერთსა და იმავე ასაკობრივ ჯგუფში მყოფ ახალგაზრდებზე ორიენტირდება. ახალგაზრდა ევროპელი ელჩების ინიციატივა თავიდანვე 16-იდან 26 წლამდე ახალგაზრდებისთვის შეიქმნა, ამიტომ ჩვენი აქტივობების უდიდესი ნაწილი სწორედ ამ ასაკის ახალგაზრდებზეა გათვლილი. როცა ახალგაზრდა ევროპელი ელჩი 27 წლის ხდება, მას ეს სტატუსი ერთმევა. ეს იმას ნიშნავს, რომ ის პროგრამის ფარგლებში ვეღარ წამოიწყებს სამოქალაქო ჩართულობის საქმიანობებს და ვერ მიიღებს მათში ან საერთაშორისო ღონისძიებებში მონაწილეობას. გარდა ამისა, ის გამოეთიშება ოფიციალურ საკომუნიკაციო არხებს და წაიშლება შესაბამისი ჩეთებიდან. ამის მიუხედავად, ნებისმიერი ასაკის ნებისმიერ ადამიანს აქვს შესაძლებლობა, გააგრძელოს ინიციატივის მხარდაჭერა ახალი – მენტორის თუ ტრენერის — სტატუსით. ევროკავშირის აღმოსავლეთ სამეზობლოს გუნდი და ახალგაზრდა ევროპელი ელჩების ადგილობრივი კოორდინატორები ამ შესაძლებლობებს შესაბამის კანდიდატებთან ინდივიდუალურად განიხილავენ. ჩვენ ამას იმისთვის ვაკეთებთ, რომ ინიციატივის ზოგადი ბუნება შევინარჩუნოთ და აღმოსავლეთ პარტნიორობის ქვეყნებში, ევროკავშირსა და გაერთიანებულ სამეფოში მცხოვრებ რაც შეიძლება მეტ ახალგაზრდას მივცეთ ინიციატივაში ჩართვის შესაძლებლობა. პროგრამა და მისი ახალგაზრდა ევროპელი ელჩების ინიციატივა მას მერეც არ წყვეტენ კავშირს ყოფილ წევრებთან, რაც ისინი ახალგაზრდა პროფესიონალები და თავიანთი საზოგადოებების ლიდერები ხდებიან.

7. როგორ ზემოქმედებს COVID-19 ახალგაზრდა ევროპელი ელჩების საქმიანობაზე?

COVID-19-ის პანდემიის შედეგად დაწესებული შეზღუდვების შემსუბუქების მერე, ახალგაზრდა ევროპელი ელჩები მრავალ ღონისძიებას ფიზიკურადაც მართავენ და ციფრულადაც. თუმცა, იმ შემთხვევაში, თუ პანდემიის გამო რომელიმე ქვეყნის ხელისუფლება რაიმე ზომას დააწესებს, ახალგაზრდა ევროპელი ელჩების ქსელის თითოეული წევრი ვალდებულია, დაემორჩილოს სახელმწიფოს დირექტივებს. 

მნიშვნელოვანი!
  • გთხოვ, გაითვალისწინო, რომ ნებისმიერი საქმიანობა სრულდება მოხალისეობრივად და არ ითვალისწინებს არანაირ ანაზღაურებას თუ სამსახურის შეთავაზებას. ჩვენ ვაცნობიერებთ, რომ შენ შეიძლება სწავლობდე/მუშაობდე, ამიტომ ახალგაზრდა ევროპელი ელჩების ქსელი შესაბამისი მოქნილობით გამოირჩევა.
  • გთხოვ, გაითვალისწინო, რომ იმ აქტივობებში მონაწილეობის მისაღებად, რომლებიც საერთაშორისო მოგზაურობას საჭიროებს, მინიმუმ 18 წლის უნდა იყო. 16 და 17 წლის შერჩეულ კანდიდატებს მხოლოდ იმის უფლება აქვთ, რომ ციფრულად მიიღონ მონაწილეობა ღონისძიებებში და ჩაერთონ იმ ადგილობრივ საქმიანობებში, რომლებიც მათ ქვეყნებში გაიმართება.
  • გთხოვ, გაითვალისწინო, რომ ახალგაზრდა ევროპელი ელჩების ინიციატივა ინკლუზიურობასა და მრავალფეროვნებას უჭერს მხარს. შესაბამისად, განაცხადების შეტანა ნებისმიერი სოციალური ფენის წარმომადგენელ ახალგაზრდებს შეუძლიათ.
  • ახალგაზრდა ევროპელი ელჩების ქსელი არაპოლიტიკური ინიციატივაა. ახალგაზრდა ევროპელი ელჩის მიერ გამოთქმული ნებისმიერი მოსაზრება არ ასახავს მთლიანი ინიციატივის, ევროკავშირის აღმოსავლეთ სამეზობლო პროგრამის ან ევროკავშირის ნებისმიერი ინსტიტუტის თუ სააგენტოს შეხედულებებს.
დაგვიკავშირდი

ახალგაზრდა ევროპელ ელჩებთან (YEAs) დაკავშირებული ინფორმაცია:

როგორ გავხდე ახალგაზრდა ევროპელი ელჩი?

შენ:

  • ხარ ევროკავშირის წევრი სახელმწიფოს, გაერთიანებული სამეფოს ან აღმოსავლეთ პარტნიორობის ექვსი ქვეყნიდან (აზერბაიჯანი, ბელარუსი, მოლდოვის რესპუბლიკა, საქართველო, სომხეთი და უკრაინა) ერთ-ერთის მოქალაქე;
  • ხარ 16-დან 26 წლამდე ასაკის;
  • კარგად ფლობ ინგლისურ ენას;
  • დაინტერსებული ხარ ევროკავშირის საქმიანობით, და ევროკავშირსა და შენ ქვეყანას შორის პარტნიორული ურთიერთობით და თანამშრომლობით;
  • დაინტერესებული ხარ სახალხო დემოკრატიით და ინფორმაციის გავრცელებით, და მზად ხარ ცოდნის, გამოცდილებისა და ინფორმაციის გაზიარებისთვის;
  • მოტივირებული ხარ მხარდაჭერის გასაწევად შენი საზოგადოების და ქვეყნის განვითარების მიზნით;
  • დაინტერესებული ხარ მოხალისეობრივი საქმიანობით და მზად ხარ იმისათვის, რომ საკმარისო დრო დაუთმო სამოქალაქო საზოგადოებრივ საქმიანობას.

თუ ასეა, გახდი ჩვენი საინფორმაციო ბიულეტენის ხელმომწერი და დაელოდე ყოველწლიური კონკურსის გამოცხადებას სექტემბერში!

უახლესი ცნობები


შესაძლებლობები


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,