GƏNC AVROPA SƏFİRLƏRİ

#strongertogether

“Gənc Avropa səfirləri” (YEAs) təşəbbüsü, Azərbaycan, Belarus, Ermənistan, Gürcüstan, Moldova, Ukrayna və Aİ-yə Üzv Ölkələrdən və Birləşmiş Krallıqdan olan gənclər arasında dostluq münasibətləri quran və onları bir-birləri ilə əlaqələndirən qeyri-siyasi, könüllü və dinamik bir kommunikasiya şəbəkəsidir. Şəbəkənin məqsədi, Aİ-nin Şərq Tərəfdaşlığı ölkələri ilə əməkdaşlığı haqqında məlumatlılığı artırmaq, bu əməkdaşlığın gözəçarpan nəticələrini nümayiş etdirmək, müxtəlif mövzularda siyasi dialoqa töhfə vermək, vətəndaş fəallığını artırmaq və daha yaxşı gələcək üçün birlikdə çalışmaqdır.

Səfirlərimizlə tanış olun

YEAs təşəbbüsü Avropa İttifaqı tərəfindən 2016-cı ildə təsis edilib və bu günə qədər minlərlə gənci bu şəbəkəyə cəlb etməyi bacarıb. Hal-hazırda 34 fərqli milləti təmsil edən 500-dən artıq aktiv Gənc Avropa səfiri fəaliyyət göstərir.

Tez-tez soruşulan suallar

1. Mən Gənc Avropa səfiri olmaq istərdim. Bunun üçün nə etməliyəm?
İldə bir dəfə keçirilən ərizə qəbulu zamanı Gənc Avropa səfiri olmaq üçün müraciət edə bilərsiniz. Ərizə qəbulu adətən sentyabr ayında keçirilir. Ərizə qəbulu haqqında məlumat “Aİ-nin Şərq Qonşuları” layihəsinin kommunikasiya kanalları vasitəsilə dərc olunur və təşviq edilir.
2. Gənc Avropa səfiri olmaq üçün ərizə qəbulunun son müraciət tarixi var?

Bəli. Yuxarıda qeyd edildiyi kimi Gənc Avropa səfiri olmaq üçün ildə bir dəfə, adətən sentyabr ayında
ərizə qəbulu keçirilir. Ərizə qəbulu iki həftə boyunca davam edir və bu müddət müraciət etməkdə
maraqlı olan namizədlərə kifayət edir.

3. Gənc Avropa səfiri olmaq istəyimi ifadə edib müraciət etdikdən sonra mənə dərhal bu status veriləcəkmi?

Xeyr. Gənc Avropa səfiri olmaq üçün müəyyən prosedurlardan keçməlisiniz. İlkin mərhələdə Gənc
Avropa səfiri olmaq istəyinizi ifadə etməlisiniz. Bundan qısa müddət sonra “Gənc Avropa Səfiri”
təşəbbüsünün ölkə üzrə əlaqələndiricisi sizinlə əlaqə saxlayacaq. Növbəti mərhələ olaraq YEA
tədbirlərində və YEA namizədlərinin təqdimat sessiyasında fəal iştirak etməli, qısa viktorinadan keçməli,
anket toplusunu doldurmalı və “Gənc Avropa Səfiri” təşəbbüsünün ölkə üzrə əlaqələndiricisi ilə əlaqə
saxlamalısınız. Sonuncu mərhələ namizədliyin təsdiqlənməsi mərhələsidir. Bu mərhələdə “Aİ-nin Şərq
Qonşuları” layihəsinin qiymətləndirməsi ilə yanaşı, namizədliyiniz Aİ-nin ölkənizdəki Nümayəndəliyi və
Avropa Komissiyası kimi bir neçə maraqlı tərəf tərəfindən təhlil ediləcək və təsdiqlənəcəkdir. Bu proses
çox vaxt aparan kimi görünə bilər, amma göründüyündən daha asandır!

4. Gənc Avropa səfiri olmaq üçün sözügedən proses nə qədər davam edir?

Müraciətlərin qəbulu dayandırıldıqdan sonra namizədlərin iştirakının tələb olunduğu daha bir neçə
mərhələ var və yekun nəticələrin elan edilməsi üçün təxminən səkkiz həftə tələb oluna bilər.

5. Tezliklə 16 yaşım olacaq. Gənc Avropa səfiri olmaq istəyimi ifadə edə bilərəm?
Gənc Avropa səfiri olmaq istəyinizi ifadə etdikdən sonra bir ay ərzində 16 yaşınız tamam olarsa, müraciət edə bilərsiniz. Nəzərə alın ki, 16-17 yaş arası seçilmiş namizədlər beynəlxalq səyahətlərə deyil, yalnız öz ölkələrində onlayn və yerli tədbirlər üçün uyğun olacaqlar.
6. 25 yaşım var, amma tezliklə 26 yaşım olacaq. Gənc Avropa səfiri olmaq istəyimi ifadə edə bilərəm?
26 yaşınızın tamam olmasına altı aydan çox vaxt qalıbsa, müraciət edə bilərsiniz.
7. Şərq Tərəfdaşlığı ölkələrinin hər hansı birinin vətəndaşıyam, amma hal-hazırda başqa ölkədə yaşayıramsa, Gənc Avropa səfiri olmaq istəyimi ifadə edə bilərəm?
Bəli. Lakin, seçilməyiniz ilə bağlı qərar Gənc Avropa səfirləri təşəbbüsünün ölkə üzrə əlaqələndiricisi və yuxarıda adı çəkilən Aİ-nin digər maraqlı tərəflərindən asılı olacaq.
8. Hər il ərizə qəbulundan sonra neçə Gənc Avropa səfiri seçilir?
“Gənc Avropa səfirləri” təşəbbüsü fəal təşəbbüsdür. Fəal olan, maraqlı olduğunu nümayiş etdirən və bütün mərhələlərdən keçən istənilən sayda namizəd seçiləcək.
9. Yerli Gənc Avropa səfirləri ilə harada görüşə bilərəm və onların ictimai fəaliyyətlərinə necə qoşula bilərəm?

Gənc Avropa səfiri olmaq və mentorluq proqramında iştirak etmək istəyinizi bildirdikdən sonra Gənc
Avropa səfirləri təşəbbüsünün ölkə üzrə əlaqələndiricisi ilə əlaqə saxlayacaqsınız. Bu yolla, milli komanda
ilə necə görüşmək və onlayn/ictimai fəaliyyətlərə qoşulmaq barədə onlardan ətraflı məlumat və lazım
olan təlimatları alacaqsınız.

10. Gənc Avropa səfiri olaraq 27 yaşım olarsa, nə baş verəcək?
Bu təşəbbüsün müəyyənedici amillərindən biri də onun oxşar yaş aralığında YEAs şəbəkəsi vasitəsilə gənclərə yönəlmiş bir yanaşmaya malik olmasıdır. Bu təşəbbüs əvvəlcədən 16-26 yaş arası gənclər üçün nəzərdə tutulub və vətəndaş cəmiyyəti ilə əlaqəli fəaliyyətlərimizin çoxu bu yaş aralığında olan gənclərə yönəlib. Gənc Avropa səfirlərinin 27 yaşı tamam olduqdan sonra onlar daha Gənc Avropa səfiri hesab edilməyəcək və bu səbəbdən proqram vasitəsilə təşkil olunan hər hansı vətəndaş cəmiyyəti və ya beynəlxalq fəaliyyətlərdə iştirak edə və belə fəaliyyətləri təşkil edə bilməyəcəklər. Onlar həmçinin rəsmi kommunikasiya kanalları və müvafiq çatlardan xaric ediləcəklər. Bununla belə, yaşından asılı olmayaraq, istənilən şəxs EU4Youth proqramının mentoru, təlimçisi və ya məzunu qismində təşəbbüsü dəstəkləməyə davam etmək imkanına malikdir. “Aİ-nin Şərq Qonşuları” proqramının komandası və Gənc Avropa səfirləri təşəbbüsünün ölkə üzrə əlaqələndiriciləri bu variantları potensial namizədlərlə ayrı-ayrılıqda müzakirə edəcəklər. Biz bunu bu təşəbbüsün ümumi obrazını qorumaq və Şərq Tərəfdaşlığı regionunda və Aİ-də mümkün qədər çox gəncə YEA təcrübəsini təqdim etmək üçün edirik. Layihə və onun YEAs təşəbbüsü, gənc mütəxəssislər və icmalarının liderləri olacaq keçmiş Gənc Avropa səfirlərinin gələcək fəaliyyətlərini yaxından izləməyə və onlarla əlaqə saxlamağa davam edəcək.
11. COVID-19 Gənc Avropa səfirlərinin fəaliyyətinə necə təsir edib?

Pandemiya və Aİ və Şərq Tərəfdaşlığı ölkələrində tətbiq edilən müxtəlif məhdudiyyətlər səbəbindən Gənc Avropa səfirlərinin fəaliyyətlərinin əksəriyyəti onlayn formata keçib. Mümkün olduğu yerdə və zamanda Gənc Avropa səfirləri yerli hökumət orqanları tərəfindən qoyulan qaydalara əməl etməklə əyani vətəndaş cəmiyyəti tədbirləri təşkil etməkdə davam edirlər. Eyni zamanda təşəbbüs öz fəaliyyətini davam etdirir və çoxlu sayda tədbir, vebinar, seminar, şəbəkə və məlumatlandırma xarakterli tədbirlər keçirilir. Gənc Avropa səfirləri tərəfindən təşkil olunan tədbirlərin siyahısına buradan baxa bilərsiniz.

Necə Gənc Avropa səfiri ola bilərəm?

Siz:

  • Avropa İttifaqına Üzv Ölkələrdən hər hansı birinin, Birləşmiş Krallığın və ya altı Şərq Tərəfdaşlığı ölkəsindən (Azərbaycan, Belarus, Ermənistan, Gürcüstan, Moldova və ya Ukrayna) hər hansı birinin vətəndaşısınızsa;
  • 16-26 yaşlarındasınızsa;
  • İngilis dili bilikləriniz yaxşı səviyyədədirsə;
  • Aİ-nin fəaliyyəti və onunla yaşadığınız ölkə arasındakı tərəfdaşlıq və əməkdaşlıqda maraqlısınızsa;
  • ictimai diplomatiya və təbliğat fəaliyyətlərində maraqlısınızsa və bilik, təcrübə və məlumatları paylaşmağa hazırsınızsa;
  • yaşadığınız icma və ölkənin inkişafına töhfə verməyə həvəslisinizsə;
  • könüllülük fəaliyyətlərində maraqlısınızsa və vətəndaş iştirakçılığına həsr olunmuş tədbirlərə kifayət qədər vaxt ayırmağa hazırsınızsa.

Elə isə xəbər bildirişlərinə abunə olun və hər il sentyabr ayında keçirilən ərizə qəbulunu gözləyin!

SON XƏBƏRLƏR


Son xəbərlər və iştirak imkanlarında maraqlısınız?

Bu internet səhifəsi Avropa İttifaqı tərəfindən maliyyələşdirilən Şərq Qonşuluğu üzrə Regional Kommunikasiya Proqramı ("'EU NEIGHBOURS east") 2020-2024 tərəfindən idarə olunur. Proqram Şərq Tərəfdaşlığı ölkələrindəki Avropa İttifaqı Nümayəndəlikləri arasında məlumat mübadiləsini tamamlayır və dəstəkləyir, eləcə də Avropa Komissiyasının Qonşuluq Siyasəti və Genişləndirmə Məsələləri üzrə Baş Direktoratı və Avropa Xarici Fəaliyyət Xidmətinin rəhbərliyi altında fəaliyyət göstərir. Proqram B&S Europe-un rəhbərlik etdiyi konsorsium tərəfindən həyata keçirilir.

Bu məlumat Məsuliyyətdən imtinaŞəxsi məlumatların qorunmasına dair qaydalara tabedir.
© Avropa İttifaqı,