Прадстаўнікі ЕС сустрэліся ў Брусэлі з беларускімі дэмакратычнымі сіламі і грамадзянскай супольнасцю ў рамках Кансультатыўнай групы

6 сакавіка ў Брусэлі адбылося шостае пасяджэнне Кансультатыўнай групы паміж прадстаўнікамі Еўрапейскага саюза, беларускімі дэмакратычнымі сіламі і арганізацыямі грамадзянскай супольнасці. ЕС пацвердзіў сваю цвёрдую падтрымку народу Беларусі і яго імкненням да дэмакратычнай, незалежнай і суверэннай Беларусі.

На сустрэчы прысутнічалі прадстаўнікі Еўрапейскай службы знешняй дзейнасці, Еўрапейскай камісіі, а таксама прадстаўнікі беларускіх дэмакратычных сіл і грамадзянскай супольнасці.

Вярхоўная прадстаўніца Кая Калас і еўракамісарка па пытаннях пашырэння Марта Кос сустрэліся з лідаркай беларускіх дэмакратычных сіл Святланай Ціханоўскай, Паўлам Латушкам, Віктарам Бабарыкам і Марыяй Калеснікавай. Прадстаўнікі ЕС пацвердзілі непахісную падтрымку Еўрапейскага саюза для дэмакратычнай будучыні Беларусі.

Падчас сустрэчы ўдзельнікі абмеркавалі апошнія падзеі ў Беларусі, у тым ліку яе супрацоўніцтва з Расіяй і залежнасць ад яе, а таксама ролю рэжыму ў падтрымцы агрэсіўнай вайны Расіі супраць Украіны. На сустрэчы была пацверджана прыхільнасць агульным мэтам — свабоднай, дэмакратычнай, суверэннай і незалежнай Беларусі як часткі мірнай і квітнеючай Еўропы. ЕС пацвердзіў свой двухвектарны падыход: працягваць ціск на рэжым, у тым ліку праз мэтанакіраваныя абмежавальныя меры, і адначасова далей падтрымліваць беларускі народ.

Кансультатыўная група таксама разгледзела сітуацыю з правамі чалавека ў Беларусі, у тым ліку працяг утрымання пад вартай амаль 1 150 палітычных зняволеных. Удзельнікі падкрэслілі неабходнасць іх неадкладнага і безумоўнага вызвалення, а таксама патрэбу прыцягнуць да адказнасць тых, хто вінаваты за сістэмныя рэпрэсіі. Былі абмеркаваны нядаўнія вызваленні палітычных зняволеных і выклікі, звязаныя з іх прававым статусам і рэінтэграцыяй у грамадстве. Бок Еўрапейскага саюза заявіў, што будзе далей дапамагаць ахвярам рэпрэсій, у тым ліку палітычным зняволеным і іх сем’ям, праз механізм Victims Facility у пытаннях рэлакацыі, юрыдычнай, медыцынскай і псіхалагічнай падтрымкі.

Удзельнікі таксама падвялі вынікі канкрэтных мераў па ўмацаванні дэмакратычнай устойлівасці, у тым ліку ў кантэксце EU Democracy Shield, а таксама праз узмоцненую падтрымку грамадзянскай супольнасці, незалежных беларускіх медыя, ініцыятыў CivicTech, моладзевай мабільнасці і доступу да адукацыі ў ЕС. З часу сфальсіфікаваных прэзідэнцкіх выбараў 2020 года Еўрапейскі саюз мабілізаваў 200 мільёнаў еўра на падтрымку дэмакратычных памкненняў беларускага народа.

Даведацца больш

Прэс-рэліз