Müstəqil kütləvi informasiya vasitələrinin fəaliyyətinin qorunub saxlanılması Şərq Tərəfdaşlığı ölkələrində artan siyasi və iqtisadi təzyiq və dəstəkdən asılılıq, müharibənin fiziki və psixoloji təsirləri və resursların tükənməsi fonunda daimi çətin tapşırıqlardan biridir. Donorlar, KİV-lər, QHT-lər və ekspertlər arasında davamlı əməkdaşlıq Şərq Tərəfdaşlığı ölkələrində müstəqil jurnalistikanın gücləndirilməsində həlledici rol oynayır. Aİ bir sıra təşəbbüslər, o cümlədən Avropa İttifaqı Müstəqil Media Naminə (EU4IM) layihəsi vasitəsilə Azərbaycan, Belarus, Ermənistan, Gürcüstan, Moldova və Ukraynada müstəqil medianı dəstəkləyir. EU4IM redaksiyaların inkişafına və qısa və uzunmüddətli perspektivdə bu kütləvi informasiya vasitələrinin maliyyə dayanıqlığına dəstək verir. Digər təşəbbüs vətəndaş cəmiyyəti təşkilatlarını, demokratiya yönümlü hərəkatları, vətəndaş və siyasi fəalları və müstəqil media platformalarını dəstəkləmək üçün maliyyə təklif edən Avropa Demokratiyaya Yardım Fondudur (EED). Şərq Tərəfdaşlığı üzrə müntəzəm media konfransları Avropa Komissiyası və Aİ Şurasına sədrlik edən Aİ-yə üzv dövlətlər tərəfindən təşkil olunur. Sonuncu 2022-ci ilin dekabrında Praqada baş tutub və dayanıqlığa həsr olunub.

Bu onlayn resurslar KİV-lərə idarəetmə və redaktorluq bacarıqlarını təkmilləşdirməyə kömək edir, həmçinin Ukraynadakı müharibəni işıqlandıran jurnalistlərə xüsusi diqqət yetirməklə, siyasi və iqtisadi cəhətdən çətin mühitlərdə çalışan jurnalistlərə dəstək verir.