EU4Culture: Gürcüstandakı Höte İnstitutu kommunikasiya meneceri vəzifəsinə işçi qəbulu elan edir

Gürcüstandakı Höte İnstitutu (Goethe-Institut Georgien) “EU4Culture II – Dayanıqlı Yaradıcı Ekosistemlər” proqramı çərçivəsində kommunikasiya meneceri vəzifəsinə təcrübəli mütəxəssis axtarır.

Müqavilənin müddəti 20 aprel 2026-cı ildən 31 mart 2029-cu ilə qədər nəzərdə tutulub. Vakansiya 100% uzaqdan iş formatında olduğu üçün seçilən namizəd fəaliyyətini Gürcüstandan kənarda da həyata keçirə bilər.

Kommunikasiya meneceri proqramın xarici kommunikasiya strategiyasını hazırlayıb tətbiq edəcək, iştirakçı ölkələr üzrə kommunikasiya fəaliyyətlərini əlaqələndirəcək və yüksək keyfiyyətli kommunikasiya materialları hazırlayacaq.

Namizədlərə dair tələblər: kommunikasiya, jurnalistika, ictimaiyyətlə əlaqələr və ya müvafiq sahə üzrə magistr dərəcəsi; kommunikasiya və ya media ilə əlaqələr sahəsində ən azı üçillik peşəkar iş təcrübəsi (qeyri-kommersiya, mədəniyyət və ya beynəlxalq inkişaf sektorlarına üstünlük verilir); mükəmməl ingilis dili (C1+) və Şərq Tərəfdaşlığı ölkələrinin dillərindən hər hansı birini bilmək.

Ərizələrin son qəbulu tarixi 8 aprel 2026-cı ildir.

Almaniya Federativ Respublikasının rəsmi mədəniyyət institutu, həmçinin Gürcüstan və Cənubi Qafqazda aparıcı beynəlxalq mədəniyyət təşkilatı olan Gürcüstandakı Höte İnstitutu Avropa İttifaqı tərəfindən maliyyələşdirilən “EU4Culture II – Şərq Tərəfdaşlığında Dayanıqlı Yaradıcı Ekosistemlər” proqramını icra edir. Proqramın məqsədi Şərq Tərəfdaşlığı ölkələrində — Azərbaycan, Ermənistan, Gürcüstan, Moldova, Ukrayna, eləcə də Belarus xalqına dəstək çərçivəsində mədəniyyəti dayanıqlı sosial və iqtisadi inkişafın hərəkətverici qüvvəsi kimi gücləndirməkdir.

Daha çox öyrənin

Mətbuat üçün açıqlama