ICMPD მიგრაციის შესახებ საერთაშორისო საზაფხულო სკოლაში მონაწილეების მსურველებს საქართველოში იწვევს

მიგრაციის პოლიტიკის განვითარების საერთაშორისო ცენტრი (ICMPD) მიგრაციის საკითხებით დაინტერესებულ სტუდენტებსა და ახალგაზრდა პროფესიონალებს რიგით მე-11 საერთაშორისო საზაფხულო სკოლაში იწვევს. სკოლა 2024 წლის 7 ივლისიდან 13 ივლისამდე პერიოდში საქართველოში გაიმართება.

ინიციატივა ორგანიზებულია ევროკავშირის მიერ დაფინანსებული პროექტების, „მიგრაციის განვითარების ზემოქმედების გაძლიერება საქართველოში“ (STREAMinG 2) და „მობილობის სფეროში პარტნიორობის რეალიზების მხარდაჭერა აზერბაიჯანში“ (MOBILAZE 2) ფარგლებში, „პრაღის პროცესთან“ ერთად.

ერთკვირიანი ინტენსიური პროგრამის მიზანია, კვლევაზე ორიენტირებული ლექციების, სემინარებისა და პროექტების მეშვეობით შეუწყოს ხელი მიგრაციის საკითხებზე სამეცნიერო ცოდნის გაზიარებასა და რეფლექსიას. 

კონკურსში მონაწილეობა შეუძლიათ საქართველოს, აზერბაიჯანის, მოლდოვისა და უკრაინის მოქალაქეებს. რამდენიმე ადგილი ასევე გათვალისწინებულია ამ ქვეყნების იმ მოქალაქეებისთვისაც, რომლებიც ევროკავშირში ცხოვრობენ. 

სკოლის ორგანიზატორები მიგრაციის, ჟურნალისტიკის/მედიასწავლების, საერთაშორისო/მიგრაციის სამართლის, ეკონომიკის, დემოგრაფიის, ისტორიისა და/ან სოციალური და პოლიტიკური მეცნიერებების 50-მდე სტუდენტს შეარჩევენ. განაცხადების შეტანა ასევე შეუძლიათ მიგრაციის საკითხებზე მომუშავე ახალგაზრდა პროფესიონალებსაც. 

საზაფხულო სკოლაში მონაწილეობა უფასოა. ყველა მონაწილე უზრუნველყოფილი იქნება საკვებითა და საცხოვრებლით. ICMPD ასევე ორგანიზებას გაუწევს სკოლის მონაწილეთა მოგზაურობას და დაფარავს მგზავრობის ხარჯებს.

განაცხადების შეტანის ბოლო ვადაა 2024 წლის 30 აპრილი. 

დამატებითი ინფორმაცია

პრესრელიზი