კომიქსი „შუშის სფერო“

ოზი და მეგობრები პლანეტის გადასარჩენად თავგადასავალში ებმებიან. მათ ამისთვის ენერგიის ისეთი ბუნებრივი წყაროები უნდა გამოიყენონ, როგორებიც მზე, ქარი და წყალია.

ლეა სამეცნიერო გამოფენისთვის ემზადება, სადაც საკუთარი გამოგონება უნდა წარადგინოს.

მისი შუშის სფერო ამინდის აპლიკაციასთან დაკავშირებისას აჩვენებს, გარეთ რა ამინდია. მუშაობის დასრულების მერე დაღლილი ლეა დასაძინებლად წვება.

მაგრამ მომდევნო დილას ლეა აღმოაჩენს, რომ ზაზუნა ოზის როგორღაც მოუხერხებია და შუშის სფეროში შემძვრალა!

გამოძრომის მცდელობისას ოზი რაღაც ღილაკს აჭერს, რაც სფეროს გადატვირთვას იწვევს და ახლა ის მომავლის ამინდს აჩვენებს. 

და ეს სულაც არაა სასიამოვნო სანახაობა!

შუშის სფეროში ნანახით შეშფოთებული ლეა და მისი მეგობრები პროფესორ სლეიტთან დაკავშირებას ცდილობენ — იმ იმედით, რომ ის მათ პლანეტის გადარჩენაში დაეხმარება. 

მაგრამ შეძლებენ კი ისინი ამ მნიშვნელოვანი მისიის წარმატებით შესრულებას?

რა ელით მათ წინ?

ჩამოტვირთე კომიქსი „შუშის სფერო“.

ლუნა, ლეა და ოზი

ლეა ტექნოლოგიებზე გიჟდება. თავისუფალ დროს სულ ფიქრობს და ახალ გამოგონებებზე მუშაობს. ამასთან, საყვარელ ზაზუნა ოზისაც უვლის უმცროს დასთან, ლუნასთან ერთად, რომელიც ზოგჯერ (მხოლოდ ზოგჯერ) ნერვებს აწიწკნის.

მაქსი და დენი

მაქსი და დენი, მიუხედავად წარსული მტრობისა, საერთო მიზანმა დაამეგობრა. ბიჭები ერთად უძღვებიან სკოლის კლუბს და მართავენ სოციალური მედიის პოპულარულ გვერდს, სადაც თანატოლებს ენერგიის გამოყენების გონივრულ გზებს ასწავლიან.

პროფესორი სლეიტი და გაჯეტ თეილსი

პროფესორი სლეიტი მეცნიერია, რომელიც მთელი ცხოვრებაა, ენერგიის ეფექტიანად გამოყენების გზებს იკვლევს. მისი უმცროსი ძმა და ბრწყინვალე ინჟინერი, გაჯეტ თეილსი, სლეიტს ეხმარება, იდეები რეალობად აქციოს. გაჯეტის მიერ შექმნილი მოწყობილობები ბუნებრივ ენერგიაზე მუშაობს და გარემოს არ აბინძურებს.