ევროკავშირი მოუწოდებს საქართველოს მთავრობას, არ მიიღოს „უცხოური გავლენის გამჭვირვალობის შესახებ“ კანონი. ევროკავშირის უმაღლესმა წარმომადგენელმა ჯოზეფ ბორელმა განაცხადა, რომ „ამ კანონმდებლობას შეუძლია, საქართველოს დაათმობინოს ევროპისკენ მიმავალი გზა — ის გზა, რომელსაც მხარს უჭერს საქართველოს მოსახლეობის უდიდესი უმრავლესობა“.
17 აპრილს საქართველოს პარლამენტმა „უცხოური გავლენის გამჭვირვალობის შესახებ“ კანონი, მასობრივი პროტესტისა და ამგვარი კანონმდებლობის უკან გაწვევის შესახებ ევროკავშირის განმეორებითი მოწოდებების მიუხედავად, პირველი მოსმენით მიიღო.
„ეს მოვლენათა ძალზე შემაშფოთებელი განვითარებაა. ამ კანონმდებლობის საბოლოო მიღება უარყოფითად იმოქმედებს ევროკავშირისკენ მიმავალი საქართველოს წინსვლაზე. ეს კანონი ევროკავშირის ძირითად ნორმებთან და ღირებულებებთან შეუთავსებელია“, — აღნიშნა ბორელმა.
მან დაურთო, რომ საქართველოს აქტიური სამოქალაქო საზოგადოება ჰყავს, რომელიც ევროკავშირის წევრობისკენ ქვეყნის წინსვლას უწყობს ხელს.
„შემოთავაზებულმა კანონმდებლობამ შეიძლება შეზღუდოს როგორც სამოქალაქო საზოგადოებისა და მედიაორგანიზაციების თავისუფალი მუშაობის უნარი, ასევე გამოხატვის თავისუფლება და მოახდინოს საქართველოს მოქალაქეებისთვის სარგებლის მომტანი ორგანიზაციების უსამართლო სტიგმატიზება“, — აცხადებს ჯოზეფ ბორელი.
დამატებითი ინფორმაცია
სხვა საინფორმაციო კამპანიები:
გაინტერესებთ უკანასკნელი ცნობები და შესაძლებლობები?
ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,