მედია

აღმოსავლეთ პარტნიორობის ქვეყნებში დამოუკიდებელი მედიის შენარჩუნება ყოველდღიური გამოწვევაა. მედიასაშუალებები მზარდად განიცდიან პოლიტიკურ და ეკონომიკურ წნეხს, ომის პირდაპირ თუ ირიბ გავლენასა და რესურსების შემცირებას, რის შედეგადაც სულ მეტად ხდებიან დამოკიდებულები გარე მხარდაჭერაზე. ამ ქვეყნებში დამოუკიდებელი ჟურნალისტიკის გაძლიერებაში გადამწყვეტ როლს ასრულებს მედიის, დონორების, არასამთავრობო ორგანიზაციებისა და ექსპერტების მუდმივი თანამშრომლობა. ევროკავშირი აზერბაიჯანის, ბელარუსის, მოლდოვის რესპუბლიკის, საქართველოს, სომხეთისა და უკრაინის დამოუკიდებელ მედიას ისეთი არაერთი ინიციატივის ფარგლებში უჭერს მხარს, როგორიცაა საფლაგმანო პროექტი, „ევროკავშირი დამოუკიდებელი მედიისთვის“ (EU4IM). EU4IM მედიასაშუალებებს ეხმარება ახალი ამბების განყოფილებების განვითარებასა და მოკლე თუ ხანგრძლივ პერიოდში ფინანსური სტაბილურობის მიღწევაში. ევროკავშირის კიდევ ერთი ინიციატივაა „ევროპის დემოკრატიის ფონდი“ (EED), რომელიც აფინანსებს სამოქალაქო საზოგადოების ორგანიზაციებს, დემოკრატიის გამაძლიერებელ მოძრაობებს, სამოქალაქო და პოლიტიკურ აქტივისტებსა და დამოუკიდებელ მედიაპლატფორმებს. აღმოსავლეთ პარტნიორობის რეგულარულად გამართულ მედიაკონფერენციებს ორგანიზებას უწევენ ევროკომისია და ევროკავშირის საბჭოს თავმჯდომარე ქვეყნები. უკანასკნელი კონფერენცია ჩატარდა 2022 წელს პრაღაში და მიეძღვნა მედეგობის თემას.


უახლესი ცნობები

თებერვალი 6, 2024

2 თებერვალს თბილისში კონკურსის, „ევროკავშირის პრიზი ჟურნალისტიკაში“, მეთორმეტე დაჯილდოების ცერემონია გაიმართა. 

ბეჭდური, სამაუწყებლო, ელექტრონულ და ფოტოჟურნალისტიკის სფეროების მომცველ ექვს კატეგორიაში გამარჯვებულები ევროკავშირის ელჩმა საქართველოში, პაველ ჰერჩინსკიმ დააჯილდოვა. ევროკავშირის სადამკვირვებლო მის…
თებერვალი 6, 2024

თბილისში კონკურსის, „ევროკავშირის პრიზი ჟურნალისტიკაში 2023“, გამარჯვებულები გამოვლინდნენ

2 თებერვალს თბილისში კონკურსის, „ევროკავშირის პრიზი ჟურნალისტიკაში“, მეთორმეტე დაჯილდოების ცერემონია გაიმართა.  ბეჭდური, სამაუწყებლო, ელექტრონულ და ფოტოჟურნალისტიკის სფეროების მომცველ ექვს კატ…
თებერვალი 2, 2024

EaP CSF და საქართველოს ეროვნული პლატფორმა სამოქალაქო საზოგადოების ექსპერტებისადმი მიმართულ ცილისწამების კამპანიას გმობენ

31 იანვარს აღმოსავლეთ პარტნიორობის სამოქალაქო საზოგადოების ფორუმის (EaP CSF) მმართველმა კომიტეტმა და საქართველოს ეროვნული პლატფორმის საკოორდინაციო საბჭომ გაავრცელეს განცხადება, სადაც მკაცრად დაგმეს…

ევროკავშირის მხარდაჭერა

EU4IndependentMedia

ევროკავშირი უკრაინასა და აღმოსავლეთ პარტნიორობის სხვა ქვეყნებში ჟურნალისტიკისა და მედიის გაძლიერებაზე მუშაობს. ეს ძალისხმევა დღეს სასიცოცხლოდ მნიშვნელოვანია იმის გათვალისწინებით, რომ რეგიონი უკრაინაში რუსეთის შეჭრის მძიმე შედეგებს განიცდის. პროექტი, EU4IndependentMedia, მიზნად ისახავს ფაქტებზე დაფუძნებული, გენდერულად ინკლუზიური და სანდო, საზოგადოების ინტერესებზე ორიენტირებული ჟურნალისტიკის ხელშეწყობას. პროექტის კიდევ ერთი ამოცანა ამ სექტორის მედეგობისა და ფინანსური მდგრადობის მხარდაჭერაა.

ევროპის დემოკრატიის ფონდი

„ევროპის დემოკრატიის ფონდი“ (EED) აფინანსებს მრავალფეროვან ინიციატივებს, რათა ხელი შეუწყოს დამოუკიდებელი საინფორმაციო საშუალებების განვითარებას, დაეხმაროს რეპრესიულ გარემოში მომუშავე ჟურნალისტებსა თუ მედიასაშუალებებს და მხარი დაუჭიროს დამწყებ მედიებს. EED მუშაობს მედიის პლურალიზმის გაძლიერებაზე და მისი მიზანია, რომ სანდო ინფორმაციას მოკლებულ ადამიანებს გაუჩნდეთ წვდომა სარწმუნო ახალ ამბებსა და კრიტიკულ კომენტარზე.

აღმოსავლეთ პარტნიორობის მედიაკონფერენცია

2022 წლის დეკემბერში პრაღაში დაახლოებით ასი ჟურნალისტი, მედიაპროფესიონალი და დონორი შეიკრიბა იმის განსახილველად, თუ რა პრაქტიკული გზებითაა შესაძლებელი აღმოსავლეთ პარტნიორობის ქვეყნებში დამოუკიდებელი მედიისა და პროფესიონალური ჟურნალისტიკის მედეგობის ზრდა. მათ, ასევე, წარმოადგინეს ევროკავშირის მედიაპოლიტიკა, პროგრამები და სტრატეგიები.


ეს ონლაინრესურსები მედიაორგანიზაციებს ეხმარება, დახვეწონ მენეჯმენტი თუ სარედაქციო საქმიანობა და მხარი დაუჭირონ ჟურნალისტებს, რომლებიც მუშაობენ პოლიტიკურად და ეკონომიკურად რთულ გარემოში — განსაკუთრებით კი იმ რეპორტიორებს, რომლებიც უკრაინაში ომს აშუქებენ.


შესაძლებლობები


მედიაკვლევები და ანგარიშები


ისტორიები

დეკემბერი 15, 2022

თქვენს რჩეულ მედიას სამართლიანობისთვის ბრძოლისა და კონკრეტული პრობლემების გადასაჭრელად თქვენი მხარდაჭერა სჭირდება

ევროკავშირსა და მის საზღვრებს გარეთ მრავალ სხვა ქვეყანაში ინტერნეტში ხელმისაწვდომი ახალი ამბების გასაცნობად ფულის გადახდა მიღებული პრაქტიკაა. თუ ცოტა ხნის წინ გაზეთების ყიდვა იყო ჩვენი ყოველდღიურობ…

გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,