სამხრეთ საფრანგეთში მდებარე გაიაკის ახალგაზრდობისა და კულტურის ცენტრი (Maison des jeunes et de la Culture de Gaillac) მსურველებს გრძელვადიან მოხალისეობრივ საქმიანობაში მონაწილეობის მისაღებად იწვევს. საქართველოს გარდა, განაცხადების შეტანა აზერბაიჯანის, მოლდოვის, სომხეთისა და უკრაინის მოქალაქეებს შეუძლიათ. პროექტი 2024 წლის 1 ოქტომბრიდან 2025 წლის 27 ივლისამდე განხორციელდება.
შერჩეული კანდიდატი ჩაერთვება ახალგაზრდებისთვის განკუთვნილ აქტივობებში, რომელთა მიზანიც ევროპული ღირებულებებისა და კულტურის გავრცელებაა. მოხალისე ინფორმაციას გაავრცელებს სხვადასხვა ევროპულ და საერთაშორისო მობილობის პროგრამაზე, მოაწყობს შეხვედრებს ადგილობრივ კულტურულ ღონისძიებებზე და ორგანიზებას გაუწევს საბავშვო აქტივობებს, რომელთა მიზანიც მისი ქვეყნის კულტურული სიმდიდრის (მუსიკა, სამზარეულო, არქიტექტურა, ლიტერატურა) გაზიარება იქნება.
მოხალისე ასევე მონაწილეობას მიიღებს ახალგაზრდობისა და კულტურის ცენტრის ღონისძიებებში, მათ შორის ურბანულ ფესტივალსა და ექსკურსიებში, და მართავს ცენტრის სოციალურ ქსელებს.
მოხალისეები გაიაკის სიახლოვეს ბინაში იცხოვრებენ. თითოეული მათგანი ყოველთვიურად მიიღებს დაახლოებით 400 ევროს კვების, ტრანსპორტირებისა და ჯიბის ფულისათვის.
განაცხადების შეტანის ბოლო ვადაა 2024 წლის 22 აპრილი.
დამატებითი ინფორმაცია
სხვა საინფორმაციო კამპანიები:
გაინტერესებთ უკანასკნელი ცნობები და შესაძლებლობები?
ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,