ევროკავშირის სადამკვირვებლო მისიის ახალი ხელმძღვანელი საქართველოში მოვალეობის შესრულებას შეუდგა
აპრილი 9, 2024

ევროკავშირის სადამკვირვებლო მისიის ახალი ხელმძღვანელი საქართველოში მოვალეობის შესრულებას შეუდგა


საქართველოში ევროკავშირის სადამკვირვებლო მისიის (EUMM) ახალი ხელმძღვანელი, ბეტინა პატრისია ბუგანი 6 აპრილს თბილისში ჩამოვიდა, რათა საკუთარი მოვალეობის შესრულებას შეუდგეს.

ბეტინა პატრისია ბუგანი მისიის ხელმძღვანელად ევროკავშირის საბჭოს მიერ 2024 წლის 26 მარტს დაინიშნა, უფლებამოსილების შესრულებას კი 2024 წლის 1 აპრილს შეუდგა.

„მოხარული ვარ, რომ მაქვს პატივი, ევროკავშირის სადამკვირვებლო მისიის ხელმძღვანელად დავიწყო საქმიანობა. ჩემი პროფესიული კარიერის 35 წელზე მეტი ხნის განმავლობაში უსაფრთხოების, მშვიდობისა და სტაბილურობის ხელშეწყობის სურვილი მამოძრავებდა. ჩემთვის პატივი იქნება 300-ზე მეტი მოწადინებული თანამშრომლისგან შემდგარი გუნდის გაძღოლა, რომელსაც უწყვეტი და მტკიცე შრომით შეაქვს წვლილი საქართველოს სტაბილურობასა და უსაფრთხოებაში“, — განაცხადა მისიის ხელმძღვანელმა საქართველოში ჩამოსვლისას, — „ვიმედოვნებ, რომ ჩემი ხელმძღვანელობა დაეხმარება გუნდს ამ მნიშვნელოვან მისიაში, რომელიც მხარს უჭერს კონფლიქტით დაზარალებული მოსახლეობის ყოველდღიური ცხოვრების გაუმჯობესებას და თემებს შორის ნდობის აღდგენას“.

ბეტინა პატრისია ბუგანი საფრანგეთის ეროვნული ჟანდარმერიის ოფიცერია.  მას ხელმძღვანელ თანამდებობებზე და საერთაშორისო ურთიერთობების სფეროში მუშაობის დიდი გამოცდილება აქვს. კერძოდ, მას  გაერთიანებული ერების ორგანიზაციაში და საფრანგეთის შინაგან საქმეთა სამინისტროში/ფრანგულ ჟანდარმერიაში სხვადასხვა ხელმძღვანელი თანამდებობა ეკავა.

მისიის ხელმძღვანელად დანიშვნამდე ის მონაწილეობდა სამშვიდობო საქმიანობაში უსაფრთხოების კონტექსტში — მათ შორის, იყო პოლიციის კომისარი MINUSMA-ში (გაეროს მრავალგანზომილებიანი ინტეგრირებული სტაბილიზაციის მისია მალიში).

დამატებითი ინფორმაცია

პრესრელიზი



ყველაზე წაკითხული


თემაზე

მაისი 28, 2024

ევროკომისარი ვარჰეი: „საქართველოს პრემიერ-მინისტრთან ჩემი სატელეფონო საუბრის ნაწილი კონტექსტიდანაა ამოღებული“

მაისი 24, 2024

ევროკავშირი მოუწოდებს საქართველოს მთავრობას, დაიცვას ვენეციის კომისიის რეკომენდაცია უცხოური გავლენის შესახებ კანონის გაუქმებაზე

მაისი 23, 2024

ევროკავშირისა და UNDP-ის ხელშეწყობით სკოლის მოსწავლეები შავი ზღვის ეკოსისტემას სწავლობენ

მაისი 21, 2024

EBRD კრედო ბანკს ადგილობრივი მცირე ბიზნესის მხარდასაჭერად სესხით უზრუნველყოფს

მაისი 15, 2024

ბრიუსელი საქართველოს ხელისუფლებას „უცხოელი აგენტების შესახებ“ კანონის გაწვევისკენ მოუწოდებს 


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,