პროგრამა EU4Digital კლასტერის ან პოტენციური კლასტერის წარმომადგენლებს უფასო სერტიფიცირებულ ონლაინშეფასებასა და ტრენინგში მონაწილეობის მისაღებად იწვევს.
აღნიშნული მექანიზმი EU4Digital პროგრამის იმ ახალ აქტივობათა ნაწილია, რომელთა მიზანიც აღმოსავლეთ პარტნიორობის რეგიონში ინოვაციური კლასტერების მხარდაჭერაა.
ინიციატივაში მონაწილეობის მისაღებად საქართველოში, აზერბაიჯანში, მოლდოვის რესპუბლიკაში, სომხეთსა და უკრაინაში მოქმედი კლასტერული ორგანიზაციები არიან მიწვეულები. ტრენინგის გავლა შეუძლიათ ყველა ზომის კლასტერებსა და პოტენციურ/პროტო-კლასტერებს ეკონომიკის ყველა სექტორიდან — იქნება ეს საერთაშორისო დონეზე ცნობილი მსხვილი ობიექტები თუ განვითარების ადრეულ ეტაპზე მყოფი მცირე, რეგიონული ინიციატივები.
ონლაინშეფასება 23 მაისამდე გაგრძელდება.
შეფასებისა და ტრენინგის ორგანიზატორია EU4Digital პროგრამის საინფორმაციო და საკომუნიკაციო ტექნოლოგიური (ICT) ინოვაციის მიმართულება. EU4Digital ევროკავშირის მიერ დაფინანსებული პროგრამაა, რომელიც მიზნად აღმოსავლეთ პარტნიორობის რეგიონისა და ევროკავშირის ციფრული ბაზრების ჰარმონიზაციას ისახავს. ICT ინოვაციის მიმართულების მიზანი კი აღმოსავლეთ პარტნიორობისა და ევროკავშირის ინოვაციური და სტარტაპის ეკოსისტემების დაკავშირება, სამუშაო კავშირების დამყარების ხელშეწყობა და აღმოსავლეთ პარტნიორობის ქვეყნების ინოვაციების სფეროს წარმომადგენლებთან ევროკავშირის საუკეთესო პრაქტიკისა და ინსტრუმენტების გაზიარებაა.
დამატებითი ინფორმაცია
სხვა საინფორმაციო კამპანიები:
გაინტერესებთ უკანასკნელი ცნობები და შესაძლებლობები?
ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,