#ShapeYourFuture

თუ ხარ სკოლის მოსწავლე, სტუდენტი, ახალგაზრდული მუშაკი, მოხალისე ან აქტივისტი, ტრენინგს გადიხარ ან სამუშაოს ეძებ — ევროკავშირს აღმოსავლეთ პარტნიორობის ქვეყნებში მცხოვრები ახალგაზრდებისთვის უნიკალური შესაძლებლობები აქვს.

აღმოაჩინე ყველა ხელმისაწვდომი შესაძლებლობა, რათა არ გაუშვა შანსი ხელიდან! გახდი გამომწერი და მიიღე ახალ-ახალი ინფორმაცია შესაძლებლობებზე.

Erasmus+ ევროკავშირის საფლაგმანო პროგრამაა, რომელიც განათლებას, ტრენინგსა და ახალგაზრდებს უჭერს მხარს. მისი მეშვეობით ათასობით ახალგაზრდამ ისწავლა ევროპის სხვადასხვა ქვეყანაში ან ისარგებლა გაცვლითი პროგრამებით. პროგრამის მონაწილეები ჰყვებიან, როგორ დადებითად იმოქმედა ერაზმუსმა მათ თვითშეფასებაზე, პიროვნულ განვითარებასა და მსოფლმხედველობაზე. გაიგე, როგორ შეგიძლია, რომ შენც ჩაერთო საქართველოდან ამ პროგრამაში.

ამასთან, ევროკავშირს აქვს მრავალი სხვა პროგრამა და ინიციატივა, რომელიც საქართველოში მცხოვრებ ახალგაზრდებს კარიერული განვითარების, სწავლისა და მოგზაურობის მრავალფეროვან შესაძლებლობებს სთავაზობს.

მართალია, ახალგაზრდობა უსაზღვრო შესაძლებლობებისა და ცვლილებების პერიოდია, თუმცა მას თან შეიძლება ახლდეს შფოთვის, მარტოობის, შიშისა თუ ბრაზის შეგრძნებები. აქ ნახავ რამდენიმე რჩევას, თუ როგორ იზრუნო საკუთარ და  გარშემო მყოფთა კეთილდღეობაზე სწავლისა და ახალი თავგადასავლების განმავლობაში.

ევროკავშირის შესაძლებლობები დაგეხმარება, განივითარო პროფესიული უნარები, გზა გაიკვლიო ციფრულ სამყაროში ან ისწავლო ბიზნესგეგმის ბიუჯეტის შედგენა. ისარგებლე მენტორობით შენი სტარტაპის ან თემის მხარდასაჭერად, მოიპოვე დაფინანსება ბიზნესის დასაწყებად, გასავითარებლად და სხვათა დასასაქმებლად და გასაძლიერებლად. ან გამოიმუშავე ფასდაუდებელი სოციალური უნარები ახალგაზრდული გაცვლების ან მოხალისეობის მეშვეობით, რასაც შენი პერსპექტივებისა და კარიერის გარდაქმნა შეუძლია.

გაიგე მეტი შესაძლებლობებზე, რომლებიც საქართველოდანაა ხელმისაწვდომი.

ევროკავშირისგან ახალგაზრდებისთვის განკუთვნილი მხარდაჭერა არ შემოიფარგლება მხოლოდ იმ შესაძლებლობებით, რომლებსაც „ახალგაზრდული“ ჰქვია და ის პარტნიორობის ყველა სფეროს მოიცავს. 

ყალბი ახალი ამბებისა და საინფორმაციო ომის ეპოქაში ევროკავშირი EUvsDisinfo ინიციატივის ფარგლებში მუშაობს დეზინფორმაციის შესახებ ცნობიერების ამაღლებაზე, რათა მოქალაქეებს ციფრული ინფორმაციისა და მედიამანიპულაციისადმი რეზისტენტობა გამოუმუშავდეს.

ევროკავშირი აღმოსავლეთ პარტნიორების მხარდაჭერის ფარგლებში მეწარმეობას, გაძლიერებას, წვრთნას, უნარების გამომუშავებასა და დასაქმებას მრავალფეროვანი აკადემიური, სამოქალაქო, კულტურული და პროფესიული გაცვლითი პროგრამების, ინიციატივებისა და შესაძლებლობების მეშვეობით უწყობს ხელს.

გაიგე, როგორ ეხმარება ევროკავშირი საქართველოს თანამშრომლობისა და პარტნიორობის მრავალფეროვანი ინიციატივების მეშვეობით.

ფორმალური განათლება და კარიერის აწყობა ამბის მხოლოდ ნახევარია: ევროკავშირის ახალგაზრდული პროექტების ყოფილი მონაწილეები ერთხმად საუბრობენ ამ გამოცდილებით მიღებული კავშირების ღირებულებაზე — იქნება ეს მეგობრობა თუ საქმიანი კონტაქტები, რომლებიც წლების განმავლობაში მიჰყვებათ. სწავლა და კავშირები ერთად იძლევა განვითარების უნიკალურ შანსს.

გამოიწერე ჩვენი არხები და გახდი ჩვენი მრავალფეროვანი ქსელის წევრი Facebook-ზე, Instagram-ზე, LinkedIn-სა და X-ზე.

ახალგაზრდა ევროპელი ელჩების ქსელი შესანიშნავი გზაა საერთო ინტერესების მქონე ადამიანებთან დასაკავშირებლად. შენ აქ შეძლებ ახალი უნარების განვითარებას და დაუმეგობრდები ახალგაზრდებს აზერბაიჯანიდან, მოლდოვიდან, საქართველოდან, სომხეთიდან, უკრაინიდან, ევროკავშირიდან და გაერთიანებული სამეფოდან.

გახდი ჩვენი გამომწერი, თვალი გვადევნე სოციალურ მედიაზე და დაუკავშირდი ჩვენს ახალგაზრდა ევროპელ ელჩებს. პირველმა გაიგე ყველა იმ ახალ შესაძლებლობაზე, რომელსაც ევროკავშირი აფინანსებს.