პროგრამა, საგამოძიებო ჟურნალისტიკა ევროპისთვის, IJ4EU Impact Award ჯილდოსთვის 2026 წლის ნომინანტების მიღებას იწყებს

პროგრამა, საგამოძიებო ჟურნალისტიკა ევროპისთვის (IJ4EU), ყოველწლიური ჯილდოს, IJ4EU Impact Award, 2026 წლის ნომინანტების მიღებას იწყებს. კონკურსი ევროპაში საზღვრებსშორისი საგამოძიებო ჟურნალისტიკის მხარდაჭერას ისახავს მიზნად.

პრესისა და მედიის თავისუფლების ევროპული ცენტრის (ECPMF) მიერ IJ4EU ფონდის სახელით მართული ჯილდო პატივს მიაგებს საგამოძიებო გუნდებს, რომელთა რეპორტაჟებმაც მოახდინეს მნიშვნელოვანი გავლენა, დაიცვეს ჟურნალისტური სიზუსტე და აჩვენეს ტრანსნაციონალური თანამშრომლობის ეფექტიანობა. 

დამოუკიდებელი ჟიური სამ თანაფარდ გამარჯვებულს გამოავლენს, რომელთაგან თითოეული 5,000 ევროს ოდენობის პრიზს მიიღებს. გამარჯვებულები 2026 წლის სექტემბერში ევროპის საგამოძიებო ჟურნალისტური თემის საფლაგმანო შეკრებაზე, IJ4EU UNCOVERED კონფერენციაზე გამოვლინდებიან.

ჯილდოს მიღება შეუძლია საზღვრებსშორის გამოძიებას, რომელიც პირველად 2025 წლის 1 იანვრიდან 31 დეკემბრამდე პერიოდში გამოქვეყნდა ნებისმიერი სანდო მედიუმით, იქნება ეს პრესა, სამაუწყებლო ტელევიზია თუ რადიო, ონლაინგამოცემები, დოკუმენტური კინო, მულტიმედიური ფორმატები და პოდკასტები. 

ნომინანტობისთვის  საგამოძიებო გუნდის წევრები უნდა იყვნენ სულ მცირე ორი ევროპული ქვეყნიდან, რომელიც სრულადაა ჩართული IJ4EU-ის ძირითადი დამფინანსებლის, შემოქმედებითი ევროპის პროგრამის სექტორთაშორის მიმართულებაში. 

ამ ქვეყნებს შორისაა ევროკავშირის 27 წევრი სახელმწიფო და რამდენიმე არაწევრი ქვეყანა: ალბანეთი, ბოსნია და ჰერცეგოვინა, ისლანდია, ლიხტენშტაინი, მონტენეგრო, ნორვეგია, საქართველო, სერბეთი, უკრაინა და ჩრდილოეთი მაკედონია. გუნდში ასევე შეიძლება იყვნენ ნებისმიერი სხვა ქვეყნის წარმომადგენელი წევრები, მაგრამ ეს გუნდი, ამასთან, ძირითად გეოგრაფიულ კრიტერიუმებს უნდა აკმაყოფილებდეს. 

კრიტერიუმებთან შესაფერისობა განისაზღვრება რეზიდენტობით (საცხოვრებელი და სამუშაო ადგილით) და არა ეროვნებით (მოქალაქეობით).

ნომინანტების წარდგენის ბოლო ვადაა 2026 წლის 23 აპრილი.

დამატებითი ინფორმაცია

პრესრელიზი

IJ4EU Impact Award