ევროკავშირის Youth4Regions პროგრამა დამწყებ ჟურნალისტებს უჭერს მხარს  

ევროკომისიამ საფლაგმანო პროგრამის, Youth4Regions, მე-10 გამოშვებისთვის დამწყები ჟურნალისტებისგან განაცხადების მიღება დაიწყო.

შერჩეული კანდიდატები 2026 წლის 10-16 ოქტომბერს ბრიუსელში გაატარებენ, სადაც დაესწრებიან ექსპერტების მიერ ჩატარებულ ტრენინგებს, მიიღებენ ნიუსრუმში მუშაობის პრაქტიკულ გამოცდილებას და ექსკლუზიურ წვდომას როგორც ევროკავშირის ინსტიტუტებზე, ასევე წამყვან მედიაორგანიზაციებზე.

ამ წლის პროგრამაზე განაცხადები ოთხი მიმართულებით მიიღება: წერითი ანალიტიკური ჟურნალისტიკა, ვიდეოჟურნალისტიკა, აუდიოჟურნალისტიკა და ფოტოჟურნალისტიკა.

Youth4Regions პროგრამა ღიაა ევროკავშირის წევრი ქვეყნების, მეზობელი ქვეყნების (მათ შორის სომხეთისა და აზერბაიჯანის) და კანდიდატი ქვეყნების (მათ შორის საქართველოს, მოლდოვისა და უკრაინის) სტუდენტებისა და ახალგაზრდა ჟურნალისტებისთვის. ის მათ სთავაზობს უნიკალურ შესაძლებლობას, განივითარონ პროფესიული უნარები, დაამყარონ საქმიანი კავშირები და მიიღონ ევროკავშირის თემების გაშუქების უშუალო გამოცდილება.

მონაწილეებს ასევე ექნებათ შესაძლებლობა, ჩაერთონ ახალგაზრდა ჟურნალისტებისთვის განკუთვნილ მეგალიცი-ნიეძიელსკის პრიზის  (Megalizzi–Niedzielski Prize) კონკურსში. კონკურსის გამარჯვებულებს პრიზი 2026 წლის 14 ოქტომბერს გადაეცემათ. გამარჯვებულები ასევე დაინიშნებიან 2027 წლის ერთიანობის კორესპონდენტებად (Cohesion Correspondents) და გაემგზავრებიან ორკვირიან საველე მისიაში, სადაც ადგილზე გააშუქებენ ერთიანობის პოლიტიკის პროექტებს და მათ გავლენას ევროკავშირის წევრ ქვეყნებში მცხოვრები ადამიანების ცხოვრებაზე.

განაცხადების მიღების ბოლო ვადაა 2026 წლის 7 ივლისი. 

პროგრამა 2017 წელს დაარსდა და მისი მხარდაჭერით უკვე 300-მა ახალგაზრდა რეპორტიორმა ისარგებლა. 

დამატებითი ინფორმაცია

პრესრელიზი