Next-IJ-ის ტრანსსასაზღვრო ჟურნალისტურ საგამოძიებო ტრენინგზე განაცხადების მიღება დაიწყო

ევროკავშირის მხარდაჭერილი ინიციატივა Next-IJ-ის ტრანსსასაზღვრო საგამოძიებო ონლაინტრენინგის აპრილის გამოშვებისთვის განაცხადების მიღებას იწყებს. 22 აპრილს დაგეგმილი ტრენინგი საგამოძიებო ჟურნალისტიკის სფეროში მომუშავეთათვის ახალი, ინოვაციური სასწავლო შესაძლებლობების შეთავაზებას ისახავს მიზნად. 

ინიციატივა ეძებს ჟურნალისტიკაში მომუშავე პროფესიონალებს (მათ შორის ფრილანსერებს), რომლებიც კარიერის შუა საფეხურზე იმყოფებიან და დაფუძნებულები ან პროფესიულად დაკავშირებულები არიან „შემოქმედებითი ევროპის“ ქვეყნებთან (მათ შორის საქართველოსთან, სომხეთთან, უკრაინასთან და მოლდოვასთან).

კანდიდატებს უნდა ჰქონდეთ მნიშვნელოვანი გამოცდილება საგამოძიებო ჟურნალისტიკაში, მონაცემთა ჟურნალისტიკაში და/ან სიღრმისეულ რეპორტინგში. უპირატესობად ჩაითვლება საგამოძიებო პროექტებში მონაწილეობა. ასევე აუცილებელია ინგლისური ენის პროფესიულ დონეზე ცოდნა.

ტრენინგს ჩაატარებენ საგამოძიებო ექსპერტები ორგანიზაციული დანაშაულისა და კორუფციის გაშუქების პროექტიდან (OCCPR) და Transcrime – Università Cattolica del Sacro Cuore-იდან. პროგრამა ფოკუსირებულია თანამედროვე ტექნიკებზე, ინსტრუმენტებსა და ტრანსსასაზღვრო სტრატეგიებზე, რომლებიც რეალური გამოძიებებისას გამოიყენება. მონაწილეები ისწავლიან, როგორ „გაჰყვნენ ფულის კვალს“, მიადევნონ თვალი აქტივების მოძრაობას საზღვრებს შორის, გამოავლინონ კორპორაციათა ფარული მფლობელები, Aleph Pro-სა და DATACROS-ის გამოყენებით გააანალიზონ რთული მონაცემთა ბაზები და კანონიერად და ეთიკურად გამოიყენონ მონაცემები.

ტრენინგის დასრულების შემდეგ მონაწილეები OCCRP-ის ოფიციალურ სერტიფიკატს მიიღებენ. შერჩეულ მონაწილეებს ასევე ექნებათ შესაძლებლობა, დაესწრონ კოლაბორაციულ საგამოძიებო ღონისძიებას.

განაცხადების მიღების ბოლო ვადაა 2026 წლის 15 აპრილი. 

Next-IJ ხორციელდება  ორგანიზაციული დანაშაულისა და კორუფციის გაშუქების პროექტის (OCCRP), Università Cattolica del Sacro Cuore (UCSC)-ის (კერძოდ, Transcrime-ის, ინოვაციასა და დანაშაულზე საერთო კვლევითი ცენტრისა და ჟურნალისტიკის სკოლის მეშვეობით) და მედიის განვითარებისთვის გლობალური ფორუმის (GFMD) ხელმძღვანელობით.

ევროკომისიის ევროპული განათლებისა და კულტურის აღმასრულებელი სააგენტოს (EECEA) მიერ მხარდაჭერილი Next-IJ ევროპელ ჟურნალისტებს, ნიუსრუმებსა და მედიასაშუალებებს თანამედროვე ინსტრუმენტებითა და ცოდნით ამარაგებს, რათა მათ შეძლონ, ეფექტიანად ებრძოლონ კორუფციას, ფინანსურ დანაშაულსა და ორგანიზებულ დანაშაულს.

დამატებითი ინფორმაცია

პრესრელიზი