ბრიუსელი მასპინძლობს ფოტოგამოფენას „საქართველო ფოკუსში“
ევროპის საგარეო ქმედებათა სამსახურმა (EEAS) ბრიუსელში უმასპინძლა ფოტოგამოფენას „საქართველო ფოკუსში”.
გამოფენა ფოკუსში აქცევს საქართველოს წარსულის ბოლო ათწლეულის ყველაზე მნიშვნელოვან მომენტებს, რომლებიც ქართველი ფოტო-დოკუმენტალისტების მიერ არის გადაღებული. ამასთანავე, გამოფენა წარმოადგენს პატივისცემის გამოხატულებას იმ დამოუკიდებელი ქართველი ჟურნალისტების გამძლეობის, პროფესიონალიზმის და სიმამაცის მიმართ, რომლებიც ხშირად რთულ პირობებში აგრძელებენ მუშაობას რეალობის დოკუმენტურად ასახვის მიზნით.
„საქართველო ფოკუსში“ აერთიანებს ფოტოებს, რომლებიც შეგროვდა საქართველოში ევროკავშირის წარმომადგენლობის მრავალწლიანი ინიციატივის ფარგლებში სახელწოდებით „ევროკავშირის პრიზი ჟურნალისტიკაში“.
„ამ ფოტოებზე გამოსახულია ქართველი ხალხი, რომელიც ნამდვილად ევროპელი ხალხია და მისი ღირსეული ადგილი ევროპაშია. მე მაქვს იმის იმედი, რომ საქართველო ევროკავშირში ინტეგრაციის გზას დაუბრუნდება,“ განაცხადა გამოფენის გახსნაზე ევროკავშირის ელჩმა საქართველოში პაველ ჰერჩინსკიმ.
გამოფენა, რომელმაც უკვე მოიარა საქართველოს რამდენიმე ქალაქი, ბრიუსელში მიმდინარე თვის ბოლომდე გაგრძელდება.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
