Ծանոթացիր Օզզիի հետ: Այս փափլիկ համստերը հոգ է տանում շրջակա միջավայրի մասին և գիտի, թե ինչպես օգնել երեխաներին էներգիա խնայել: Օզզին պատրաստել է խորհուրդների ցանկ, որոնք աճող սերնդին կօգնեն խնայել էներգիա և պահպանել շրջակա միջավայրը: Ներբեռնիր Օզզիի խորհուրդներով անիմացիոն հոլովակը, կիսվիր դրանով այլոց հետ և երեխաներին ներգրավիր էներգիա խնայելու գործընթացում:

Օզզին ‘«Էլեկտրալամպ» նոր կոմիքսի գլխավոր հերոսներից է: Այս նոր կոմիքսը թողարկվել է #EU4Energy ծրագրի կողմից և օգնում է էներգախնայողություն սովորեցնել երեխաներին: Գրքում երկայացված են էներգիայի արդյունավետ օգտագործման պարզ քայլեր, որոնք կօգնեն երեխաներին զարգացնել էներգախնայող սովորություններ: Ներբեռնիր ու տպիր կոմիքսը, որպեսզի երեխաները հետևեն Օզզիի և նրա ընկերների արկածներին ու նրանց օրինակին: 

Օզզին և «Էլեկտրալամպ» կոմիքսը ԵՄ կողմից ֆինանսավորվող «EU NEIGHBOURS east» և «EU4Energy փուլ II. մաքուր էներգիայի անցման խթանումն Արևելյան գործընկերության երկրներում» ծրագրերի կողմից կազմակերպված իրազեկության բարձրացման արշավի մաս են կազմում: Այցելիր արշավի էջ, որտեղ զետեղված է օգտակար տեղեկատվություն ինչպես անգլերենով, այնպես էլ՝ Արևելյան գործընկերության երկրների բոլոր լեզուներով (հայերեն, ադրբեջաներեն, բելառուսերեն, վրացերեն, ռումիներեն, ուկրաիներեն):