Ֆոտոմրցույթ

Բաց մրցույթ

պրոֆեսիոնալ լուսանկարիչների համար

Photo Contest Open Call

EU NEIGHBOURS EAST-ը՝ FOTOFESTIWAL-ի հետ համագործակցությամբ, հրավիրում է Հայաստանում, Ադրբեջանում, Բելառուսում, Վրաստանում, Մոլդովայում և Ուկրաինայում գործող պրոֆեսիոնալ լուսանկարիչներին մասնակցել ԵՄ-ի կողմից ֆինանսավորվող «Ընտանեկան կապեր» խորագրով լուսանկարչական մրցույթին։

Photo contest

Ինչո՞ւ «Ընտանեկան կապեր»

Սույն մրցույթը ողջունում է «ընտանեկան կապեր» թեմայի գեղարվեստական, սոցիալական և, առաջին հերթին, անձնական մեկնաբանությունները լուսանկարների (ֆոտոշարքի) միջոցով: Ինչպե՞ս է մեր ընտանիքը կամրջում մեզ մեր արմատների, մշակույթի, ավանդույթների, հայացքների և ապագայի հետ: Ո՞ր կապերն են ընկած ընտանիքի հիմքում և միավորում մեզ: Ինչպե՞ս են այդ կապերը հարմարվում հարափոփոխ աշխարհին, տեխնոլոգիաներին, կոնֆլիկտներին, սիրուն և կորստին:

«Ընտանեկան կապերի» կարևորությունն ու փխրունությունը վերջին երեք տարիներին մենք զգացել ենք առավել, քան երբևէ: ՔՈՎԻԴ-ով պայմանավորված սոցիալական հեռավորության պահպանումը տառապանքների ու մեկուսացման, ինչպես նաև բազմաթիվ սոցիալական կապերի փոխակերպման ու մյուսների ամրապնդման պատճառ դարձավ: Այս տարի ամբողջ աշխարհը տեսավ, թե ինչպես պատերազմը կարող է մի ակնթարթում քանդել ընտանիքներ և թե քանի քանիսը բացեցին իրենց դռները փախստականների առջեւ:

Դիմորդները կարող են ներկայացնել 8-20 լուսանկարների շարք մինչև 2023 թվականի հունվարի 20-ը: Դիմումի ձևն անգլերեն է, սակայն այստեղ կարող եք ծանոթանալ մանրամասներին ձեր լեզվով:

Մրցույթը կգնահատվի հինգ հոգուց բաղկացած կոլեգիալ ժյուրիի կողմից, իսկ նրանց մասին մանրամասն տեղեկություններ կարող եք գտնել դիմումի ներկայացման փուլում: Եզրափակիչ փուլ անցած մասնակիցների անունները կհայտարարվեն 2023 թվականի փետրվարի վերջին: Հաղթողները հայտնի կդառնան 2023 թվականի մարտին:

Մրցույթի թեմայի, ժյուրիի կազմի, պայմանների և մրցանակների վերաբերյալ մանրամասներին ծանոթանացեք ստորեւ։

Ժյուրի

Լարս Բյորինգ

«Լրագրության եվրոպական կենտրոն» հիմնադրամի (EJC) տնօրեն և տեսողական հաղորդակցության և պատմասացության Triggertale.com-ի հարթակի հիմնադիր։ Մանրամասներին ծանոթացեք դիմումի ներկայացման էջում:

Էմմա Բոուքեթ

FT Weekend Magazine-ի լուսանկարչության բաժնի տնօրեն և ոսպնյակահեն արվեստի ու ժամանակակից տեսողական մշակույթի ուղղությամբ մասնագիտացած համադրող: Մանրամասներին ծանոթացեք դիմումի ներկայացման էջում:

Արիաննա Ռինալդո

Ազատ լուսանկարիչ: 2012-2021 թվականներին եղել է «Cortona On The Move» վիզուալ պատմվածքների միջազգային փառատոնի գեղարվեստական ղեկավար։ Մանրամասներին ծանոթացեք դիմումի ներկայացման էջում:

Կարոլինա Գեմբարա

Լուսանկարիչ և հետազոտող։ Նրա գործունեությունը պտտվում է այնպիսի թեմաների շուրջ, ինչպիսիք են տունը, պատկանելությունը, միգրացիան, հողերի և ինքնության փոփոխությունը: Մանրամասներին ծանոթացեք դիմումի ներկայացման էջում:

Միլիցա Սարաչեւիչ

Եվրոպական հանձնաժողովի մամուլի և ռազմավարական հաղորդակցության հարցերով պատասխանատու։ Մանրամասներին ծանոթացեք դիմումի ներկայացման էջում:

Մրցանակներ

Յուրաքանչյուր երկրից (Հայաստան, Ադրբեջան, Բելառուս, Մոլդովա, Վրաստան և Ուկրաինա) ընտրված հաղթողին կտրվի 1,000 եվրո դրամական մրցանակ:

EU NEIGHBOURS EAST վեբկայքում կհրապարակվեն հարցազրույցներ հաղթողների հետ։

Հաճախ տրվող հարցեր

Հ. Կարո՞ղ են արդյոք մրցույթին մասնակցել այլ երկրների քաղաքացիներ, բացի Հայաստանից, Ադրբեջանից, Բելառուսից, Վրաստանից, Մոլդովայից եւ Ուկրաինայից:

Ո՛չ, համաձայն մրցույթի պայմանների՝ դրան կարող են մասնակցել միայն նշված երկրների քաղաքացիները: Եզրափակիչ փուլ անցած և հաղթող մասնակիցներից կպահանջվի նրանց անձնագրի կամ անձը հաստատող պաշտոնական փաստաթղթի լուսապատճեն՝ ի ապացույց մրցույթի չափանիշներին նրանց համապատասխանության։

Հ. Ո՞վ է համարվում պրոֆեսիոնալ լուսանկարիչ։

Պ. Մենք պրոֆեսիոնալ ենք համարում այն լուսանկարիչներին, որոնք իրենց եկամտի մեծ մասը վաստակում կամ վաստակել են լուսանկարչությունից, ինչպես նաև նրանց, որոնք կանոնավոր կերպով վաճառում կամ հրապարակում են իրենց աշխատանքները և/կամ անդամակցում են պրոֆեսիոնալ լուսանկարչական կազմակերպություններին:

Հ. Քանի՞ լուսանկար կարող եմ ներկայացնել նույն շարքի շրջանակում:

Պ. Շարքը պետք է բաղկացած լինի 8-20 լուսանկարներից, որոնք վերաբերում են միևնույն թեմային կամ գաղափարին և ունեն միասնական վերնագիր: Շարքերը գնահատվելու են որպես մեկ ամբողջություն, ուստի խնդրում ենք համոզվել, որ լուսանկարները միասին դիտվում են որպես աշխատանքի ամբողջություն:

Հ. Ի՞նչ չափ և ձևաչափ պետք է ունենան թվային ֆայլերը:

Պ. Ներկայացված թվային ֆայլերը պետք է պահվեն jpg ձևաչափով և երկարության կողմից պետք է ունենան նվազագույնը 3000 պիքսել չափ:

Հ. Կա՞ արդյոք ժամանակային սահմանափակում, որը վերաբերում է արված լուսանկարների վաղեմությանը։

Պ. Այո՛։ Բոլոր լուսանկարները պետք է արված լինեն առավելագույնը 5 տարի առաջ։ 

Հ. Ի՞նչ կարժենա մրցույթին դիմելը։

Պ. Մրցույթին մասնակցությունն անվճար է։

Հ. Կա՞ արդյոք սահմանափակում մեկ մասնակցի կողմից ներկայացվող հայտերի քանակի համար։

Պ. Յուրաքանչյուր մասնակից կարող է ներկայացնել միայն մեկ նախագիծ։

Հ. Կարո՞ղ եմ մրցանակի արժանացած լուսանկար ներկայացնել:

Պ. Այո՛, դուք կարող եք ներկայացնել աշխատանք, որը արժանացել է մրցանակի: Այնուամենայնիվ, մենք ողջունում ենք նոր աշխատանքների ներկայացումը՝ նոր ստեղծագործությունների ստեղծմանը նպաստելու և գաղափարների թարմ հոսք ապահովելու համար։

Հ. Ինչպե՞ս կարող եմ իմանալ, թե արդյոք մրցանակ եմ ստացել:

Պ. Մրցանակակիրները մեր կողմից կստանան էլեկտրոնային փոստով ծանուցում, իսկ նրանց ցանկը կհրապարակվի մեր վեբկայքում:

Հ. Արդյո՞ք ես պետք է մոդելների կողմից թույտվություն ունենամ իմ լուսանկարների համար:

Պ. Մրցույթին մասնակցելիս մասնակիցները հաստատում են, որ տիրապետում են իրենց ֆոտոշարքի հրապարակման համար անհրաժեշտ բոլոր համաձայնություններին և իրավունքներին։

Հ. Ի՞նչ նկատի ունեք տեքստ ասելով: Ինչպիսի՞ տեսք պիտի այն ունենա։

Տեքստը ձեր նախագծի անգլերեն նկարագրությունն է։ Այն պետք է բաղկացած լինի մինչև 2000 նիշից, որում դուք բացատրում եք դրա գաղափարը/պատմությունը և տրամադրում բոլոր համապատասխան տեղեկությունները:

Հ. Արդյո՞ք ընդունվում են համագործակցային նախագծերը։

Պ. Կարող են ներկայացվել նաև լուսանկարչական դուետների կամ կոլեկտիվների հեղինակած ֆոտոնախագծեր:

Հ. Թույլատրվո՞ւմ է արդյոք երկպատկերների, եռապատկերների կամ բազմաթիվ պատկերների դասավորության ներկայացումը:

Դուք կարող եք վերբեռնել երկպատկերներ, եռապատկերներ և բազմաթիվ պատկերներ: Կարևորը՝ յուրաքանչյուր հայտում 20 վերբեռնումների/ֆայլերի սահմանաչափը չանցնելն է: Երկպատկերը կամ եռապատկերը հաշվարկվելու է որպես 1 վերբեռնում/ֆայլ:

Պայմաններ եւ դրույթներ

Կազմակերպիչների մասին

Սույն մրցույթը կազմակերպվում է EU NEIGHBOURS EAST ծրագրի կողմից՝ Fotofestiwal-ի հետ համատեղ: EU NEIGHBOURS EAST-ը ԵՄ-ի կողմից ֆինանսավորվող տարածաշրջանային հաղորդակցության ծրագիր է, որը նպաստում է Եվրոպական միության, վերջինիս քաղաքականության, ինչպես նաև Արևելյան հարևանության երկրներում նրա կողմից իրականցվող աջակցության ծրագրերի մասին իրազեկության բարձրացմանը։ Ծրագիրը լրացնում է Հայաստանում, Ադրբեջանում, Բելառուսում, Վրաստանում, Մոլդովայում և Ուկրաինայում ԵՄ պատվիրակությունների հաղորդակցական գործունեությանը: Fotofestiwal-ը հիմնադրվել է 2001 թվականին որպես լուսանկարչությամբ զբաղվող արհեստավարժ մասնագետների կոլեկտիվ, որից հետո այն վերածվել է Եվրոպայի ամենաարդիական լուսանկարչական փառատոններից մեկի: Ավելի քան 20 տարվա ընթացքում այն հարուստ փորձ է զարգացրել մրցույթների անցկացման և արդյունքների ցուցադրման ոլորտում:

ԿԱՊ

familyconnections@fotofestiwal.com