#ShapeYourFuture

ԵՄ-ն եզակի հնարավորություններ է առաջարկում Արեւելյան գործընկերության երկրների երիտասարդներին՝ անկախ այն հանգամանքից՝ սովորում եք արդյոք դպրոցում թե համալսարանում, երիտասարդական աշխատող եք, կամավոր կամ քաղաքացիական հասարակության ակտիվիստ, վերապատրաստվում եք թե աշխատանք եք փնտրում:

Բացահայտեք բոլոր առկա հնարավորությունները եւ բաց մի թողեք դրանք: Բաժանորդագրվեք այստեղ՝ այդ հնարավորությունների մասին անձամբ տեղեկանալու համար:

«Էրազմուս+»-ը կրթության, վերապատրաստման եւ երիտասարդության աջակցության ԵՄ առաջատար ծրագիրն է: Այն հազարավոր երիտասարդների թույլ է տվել սովորել եվրոպական մեկ այլ երկրում կամ մասնակցել երիտասարդական փոխանակումների: Մասնակիցները խոսում են իրենց ինքնավստահության, անձնական զարգացման եւ աշխարհայացքի վրա դրական «էրազմուսյան ազդեցության» մասին: Իմացեք, թե ինչպես կարող եք մասնակցել ծրագրին Հայաստանում։

Կան ԵՄ բազմաթիվ այլ ծրագրեր եւ նախաձեռնություններ, որոնք ուղղված են կարիերայի հեռանկարային զարգացմանը եւ ուսման ու ճամփորդության մի շարք հնարավորություններ են ընձեռում երիտասարդներին Հայաստանում:

Շատերի համար երիտասարդությունը հնարավորությունների եւ փոփոխությունների ժամանակ է: Բայց ոմանց համար դա անհանգստության, միայնության եւ զայրույթի շրջան է: Ահա մի քանի խորհուրդներ, որոնք կօգնեն ձեզ եւ ձեր սիրելիներին պահպանել լավ ինքնազգացողություն։

ԵՄ հնարավորությունները կարող են օգնել ձեզ զարգացնել մասնագիտական ​​հմտություններ, տիրապետել թվային տեխնոլոգիաներին կամ սովորել, թե ինչպես գրել բիզնես պլան: Դուք կարող եք հիմնել ստարտափ, ստանալ նախագիծ ստեղծելու եւ զարգացնելու միջոցներ, գտնել աշխատանք եւ դառնալ ուրիշների մենթոր: Անցնելով կամավորական ծառայություն եւ մասնակցելով երիտասարդական փոխանակմանը` ձեռք կբերեք անգնահատելի հմտություններ: Դրանք կօգնեն ընդլայնել ձեր մտահորիզոնը եւ նոր թափ հաղորդել կարիերային:

Իմացեք ավելին, թե ինչ հասանելի հնարավորություններ կան երիտասարդների համար Հայաստանում:

Երիտասարդներին ԵՄ աջակցությունը լոկ երիտասարդական ծրագրերը չեն:

Կեղծ լուրերի եւ տեղեկատվական պատերազմների դարաշրջանում ԵՄ-ի EUvsDisinfo ծրագիրը վեր է հանում ապատեղեկատվության ու քարոզչության դեպքերը եւ օգնում զարգացնել քննադատական ​​մտածողությունն ու թվային այլ օգտակար հմտություններ:

ԵՄ-ն աջակցում է ձեռներեցներին, օգնում նրանց ձեռք բերել նոր հմտություններ, նպաստում է աշխատատեղերի ստեղծմանը եւ մասնագիտական ​​վերապատրաստմանն ու փոխանակմանը: Դա արվում է բիզնես, գիտական, մշակութային եւ մասնագիտական ​​լայնածավալ ծրագրերի ու փոխանակումների եւ քաղաքացիական հասարակության նախաձեռնությունների միջոցով, որոնց վրա հիմնված է Արեւելյան գործընկերության երկրների հետ համագործակցությունը:

Իմացեք, թե ինչպես է ԵՄ-ն աջակցում Հայաստանին։

Ֆորմալ ուսումնառությունն ու կարիերայի զարգացումը գործի միայն կեսն են: ԵՄ երիտասարդական ծրագրերի նախկին մասնակիցները պատմում են, թե ինչպես է իրենց հաջողվել կապեր հաստատել եւ գտնել նոր ընկերներ, որոնց հետ երկար տարիներ շփվում են։ Կրթության եւ նեթվորքինգի հանրագումարը հաջող կարիերայի գրավականն է: 

Բաժանորդագրվեք մեր ալիքներին Facebook-ում, Instagram-ում, LinkedIn-ում եւ X-ում:

Երիտասարդ եվրոպական դեսպանների ցանցը համախոհների հետ նեթվորքինգի հիանալի միջոց է: Դուք կարող եք զարգացնել նոր հմտություններ եւ ընկերանալ երիտասարդների հետ Հայաստանից, Ադրբեջանից, Վրաստանից, Մոլդովայից, Ուկրաինայից, ԵՄ-ից եւ Մեծ Բրիտանիայից:

Բաժանորդագրվեք մեր նորություններին եւ սոցիալական ցանցերի էջերին: Ստացեք ծանուցումներ ԵՄ-ի վերջին հնարավորությունների մասին եւ շփվեք մեր Երիտասարդ եվրոպական դեսպանների հետ: