Ապակե գլոբուս

Նոր արկածներ

Օզին և ընկերները մեկնում են նոր ճանապարհորդություն՝ փրկելու մոլորակը, այս անգամ՝ էներգիայի բնական աղբյուրների օգնությամբ, ինչպիսիք են արևը, քամին և ջուրը:

Լիան պատրաստվում է գիտության գալիք տոնավաճառին՝ ներկայացնելու իր վերջին գյուտը`

ապակե գլոբուսը, որը ցույց է տալիս եղանակը դրսում, երբ միացած է եղանակի տեսության հավելվածին:

Լունան նոր հետաքրքրություն ունի՝ գերմանամկան համար հագուստ գործելը, սակայն Օզին և Լիան կարծես այդքան էլ ոգևորված չեն դրանով։

Մաքսն ու Դենին դպրոցական ակումբ են հիմնել՝ իրենց ընկերներին էներգիա խնայելու ուղիների մասին կրթելու համար: Նրանք նաև կառավարում են հանրահայտ Ինստա-Դրամ հաշիվը, որտեղ նկարահանում են էներգիայի մասին վիրուսային տեսահոլովակներ՝ Օզիի մասնակցությամբ:

Նախագիծը վերջապես ավարտին հասցնելուց հետո Լիան քնում է իր սենյակում։

Առավոտյան, սակայն, ամեն ինչ անսպասելի ընթացք է ստանում։

Օզին անախորժություններ է ստեղծում. նա ինչ-որ կերպ սողոսկել էր ապակե գլոբուսի մեջ:

Փորձելով դուրս գալ՝ նա սեղմում է պատահական մի կոճակ, որի արդյունքում գլոբուսը զրոյանում է և սկսում է ցույց տալ ԱՊԱԳԱՅԻ եղանակը:

Եվ այն հուսադրող տեսք չի ունենում։

Մեր հերոսները որոշում են անմիջապես գործի անցնել։

Անհանգստացած ապակե գլոբուսում տեսածով՝ երեխաները փորձում են գտնել պրոֆեսոր Սլեյթին իր լաբորատորիայում՝ հուսալով, որ նա կարող է ևս մեկ անգամ օգնել մոլորակի փրկության հարցում, քանի դեռ ուշ չէ:

Կհաջողե՞ն Օզին և նրա ընկերները ստանձնած կարևոր գործում։

Ի՞նչ կլինի հետո։

Լունա և Լիա

Լիան տեխնո գիտակ է. միշտ մտածում է, գծագրեր անում և տեխնոլոգիան օգտագործելու նոր ուղիներ առաջարկում: Նա խնամում է Օզիին իր կրտսեր քրոջ՝ Լունայի հետ, ով երբեմն (միայն երբեմն) զայրացնում է նրան։

Մաքսն ու Դենին

Մաքսն ու Դենին ընկերներ դարձած թշնամիներ են՝ միավորված ընդհանուր գործով: Նրանք միասին ղեկավարում են էներգիայի օգտագործման ավելի արդյունավետ ուղիներին նվիրված դպրոցական ակումբը և ճանաչված սոցիալական մեդիա հաշիվը:

Պրոֆեսոր Սլեյթը ու Գաջեթ Թեյլսը

Պրոֆեսոր Սլեյթը գիտնական է, որն իր կյանքը նվիրել է էներգիայի օգտագործման ավելի խելացի ուղիների փնտրմանը: Նրա կրտսեր եղբայր և փայլուն ինժեներ Գաջեթ Թեյլսը օգնում է Սլեյթին իրականություն դարձնել իր տեսլականը՝ կառուցելով սարքեր, որոնք աշխատում են էներգիայի բնական աղբյուրների հիման վրա՝ չվնասելով շրջակա միջավայրը: