Foto müsabiqə: 18 finalçı ilə tanış olun

Azərbaycan, Belarus, Ermənistan, Gürcüstan, Moldova və Ukraynadan on səkkiz fotoqraf (hər ölkədən üç nəfər olmaqla) EU NEIGHBOURS EAST və FOTOFESTIWAL tərəfindən “Ailə bağları” mövzusunda təşkil edilən foto müsabiqədə final mərhələsinə keçməyi bacarıb.

On səkkiz finalçı martın 31-də Gürcüstanın paytaxtı Tbilisidə keçiriləcək mükafatlandırma mərasiminə dəvət edilib. Tədbirdə hər ölkədən bir qalib seçiləcək və onlara 1 000 avro dəyərində mükafat veriləcək.

Müsabiqəyə 400-dən artıq fotoqraf qatılıb. Fotoqraflıq sektorunda tanınmış şəxslərdən ibarət münsiflər heyəti iştirakçıların layihələrini qiymətləndirərək onlar arasından hər ölkədən üç fotoqraf seçiblər. 

Fotoqraflar müsabiqəyə “Ailə bağları” mövzusunda 8-20 fotoşəkildən ibarət layihə təqdim ediblər. Ailəmiz bizi köklərimizə, mədəniyyət və adət-ənənələrimizə necə bağlayır, baxışlarımıza və gələcəyimizə necə təsir edir? Hansı bağlar ailəni təsnif edir və bağımlılıq hissini təmin edir? Dəyişən dünya, texnologiyalar, münaqişələr, sevgi və itkilər bu əlaqələrə necə təsir edir?

EU NEIGHBOURS EAST proqramının internet səhifəsində final mərhələsinə keçən layihələrlə tanış ola bilərsiniz. Finalda mübarizə aparacaq 18 fotoqraf bunlardır:

Azərbaycan

Orxan Əzimov – Təhsildən məsafədə

Əziz Kərimov – Azərbaycan koronavirusun yayılmasına qarşı tədbirlər həyata keçirir

İlkin Yaqubov – Sarmaşma

Belarus

Paşa Kriçko – Belarus bağlantıları

Veranika Maliauka – Ev ilə bağlı xatirələr

Tatsiana Tkaçova – Vətən

Ermənistan

Nazik Armenakyan – Mənim müharibəm (Natamam təcrübə)

Mane Hovhannisyan – Fabula

Hrant Xaçatryan – Yenidoğulmuş

Gürcüstan

Natela Qriqalaşvili – Gürcü köçərilərinin son günləri

Yekaterina Kolesnikova – Səhər çox tez gəlir

Tako Robakidze – “Sülhməramlılar”

Moldova

Maria Gutu – Vətən

Ramin Mazur – Sol sahil

Katerina Şoşeva – Sem’ya

Ukrayna

Artyom Humilevskyi – Köklər

Olena Morozova – Nənəcan

Marisiya Myanovska – Qardaş, incəsənət hardadır?

Müsabiqə EU NEIGHBOURS EAST proqramı tərəfindən Fotofestiwal ilə birgə təşkil olunub. EU NEIGHBOURS EAST proqramı Avropa İttifaqı və onun siyasəti haqqında məlumalılığı artıran, o cümlədən Şərq Tərəfdaşlığı regionunda layihələrə dəstək verən regional kommunikasiya proqramıdır. Fotofestiwal təşkilatı 2001-ci ildə Polşada peşəkar fotoqraflar tərəfindən təsis edilib və o vaxtdan etibarən Avropanın ən böyük fotoqrafiya festivallarından birinə çevrilib.