Լուսանկարների մրցույթ. բացահայտեք եզրափակիչ փուլ անցած 18 մասնակիցներին
21 Մարտի, 2023

Լուսանկարների մրցույթ. բացահայտեք եզրափակիչ փուլ անցած 18 մասնակիցներին


Հայաստանից, Ադրբեջանից, Բելառուսից, Վրաստանից, Մոլդովայից և Ուկրաինայից երեքական լուսանկարիչներ (ընդհանուր թվով՝ 18 լուսանկարիչ) անցել են EU NEIGHBOURS EAST-ի և FOTOFESTIWAL-ի «Ընտանեկան կապեր» թեմայով ֆոտոմրցույթի եզրափակիչ փուլ։

Բոլոր 18 մասնակիցները հրավիրվել են Վրաստանի մայրաքաղաք Թբիլիսի, որտեղ մարտի 31-ին կայանալիք գալա մրցանակաբաշխության ժամանակ կհայտարարվեն վեց հաղթողների անունները (յուրաքանչյուր երկրից՝ մեկական), որոնցից յուրաքանչյուրը կստանա 1,000 եվրոյի չափով դրամական մրցանակ:

Հինգ հոգուց բաղկացած միջազգային բարձրակարգ ժյուրիի կազմն ընդհանուր առմամբ ավելի քան 400 հայտերից ի վերջո կազմել է կարճ ցուցակ՝ յուրաքանչյուր երկրից ընդգրկելով երեքական լուսանկարիչների:

Մրցույթի շրջանակում լուսանկարիչները պետք է ներկայացնեին 8-20 լուսանկարների շարք, որոնք կարտահայտեին «ընտանեկան կապեր» թեմայի վերաբերյալ իրենց անձնական մեկնաբանությունները․ ինչպե՞ս է մեր ընտանիքը կամրջում մեզ մեր արմատների, մշակույթի, ավանդույթների, հայացքների և ապագայի հետ: Ո՞ր կապերն են ընկած ընտանիքի հիմքում և միավորում մեզ: Ինչպե՞ս են այդ կապերը հարմարվում հարափոփոխ աշխարհին, տեխնոլոգիաներին, կոնֆլիկտներին, սիրուն և կորստին:

Եզրափակիչ փուլ անցած մասնակիցներից յուրաքանչյուրը EU NEIGHBOURS EAST վեբկայքում ունի հատուկ էջ, որտեղ ներկայացված են նրանց ֆոտոպատմությունները: Կարճ ցուցակում ընդգրկված 18 լուսանկարիչներն են.

Հայաստան

Նազիկ Արմենակյան – Իմ պատերազմը (ֆրագմենտալ ապրում)

Մանե Հովհաննիսյան – Ֆաբուլա

Հրանտ Խաչատրյան – Նոր կյանք

Ադրբեջան

Օրխան Ազիմով – Կրթությունից զուրկ

Ազիզ Քարիմով – Միջոցառումներ ընդդեմ կորոնավիրուսային հիվանդության բռնկման

Իլքին Յագուբով – Միահյուսում

Բելառուս

Պաշա Կրիչկո – Բելառուսական կապեր

Վերոնիկա Մալյաուկա – Հիշողություններ տան մասին

Տատյանա Տկաչովա – Մայր հայրենիք

Վրաստան

Նաթելա Գրիգալաշվիլի – Վրացի քոչվորների վերջին օրերը

Եկատերինա Կոլեսնիկովա – Առավոտը չափազանց վաղ է սկսվում

Թակո Ռոբակիձե – Խաղաղապահներ

Մոլդովա

Մարիա Գուտու – Հայրենիք

Ռամին Մազուր – Դեպի ձախ կողաթեքվածք

Կատերինա Շոշեվա – Sem’ya

Ուկրաինա

Արտեմ Հումիլեվսկի – Արմատներ

Օլենա Մորոզովա – Տատիկ

Մարիսյա Մյանովսկա – Օ՜, եղբա՛յր, որտե՞ղ ես դու


Մրցույթը կազմակերպել է EU NEIGHBOURS EAST ծրագիրը՝ Fotofestiwal-ի հետ համատեղ: EU NEIGHBOURS EAST-ը ԵՄ-ի կողմից ֆինանսավորվող տարածաշրջանային հաղորդակցության ծրագիր է, որը նպաստում է Եվրոպական միության, վերջինիս քաղաքականության, ինչպես նաև Արևելյան հարևանության երկրներում նրա կողմից իրականցվող աջակցության ծրագրերի մասին իրազեկության բարձրացմանը։ Fotofestiwal-ը հիմնադրվել է 2001 թվականին որպես լուսանկարչությամբ զբաղվող արհեստավարժ մասնագետների կոլեկտիվ, որից հետո այն վերածվել է Եվրոպայի ամենաարդիական լուսանկարչական փառատոններից մեկի:



ԱՄԵՆԱԿԱՐԴԱՑԱԾ



Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է GOPA PACE-ի գլխավորած կոնսորցիումը:


Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,