ფოტოკონკურსი: გაეცანით 18 ფინალისტის ნამუშევრებს

„ოჯახური კავშირების“ თემაზე გამოცხადებული EU NEIGHBOURS EAST – FOTOFESTIWAL-ის ფოტოკონკურსის 18 ფინალისტის ვინაობა უკვე ცნობილია. მოკლე სიაში მოსახვედრად თითოეული ქვეყნიდან — აზერბაიჯანიდან, ბელარუსიდან, მოლდოვის რესპუბლიკიდან, საქართველოდან, სომხეთიდან და უკრაინიდან — სამ-სამი ფოტოგრაფი შეირჩა. 

18-ვე ფინალისტი თბილისში 31 მარტს დაგეგმილ საზეიმო დაჯილდოებაზეა მიწვეული. ღონისძიებაზე გამოვლინდება ექვსი გამარჯვებული — თითო თითოეული ქვეყნიდან — და ყველა მათგანს 1,000 ევროს ოდენობის პრიზი გადაეცემა.

საერთაშორისო ჟიურიმ, რომელიც სფეროს ხუთი წამყვანი სპეციალისტისგან შედგება, ფინალური ტურისთვის 400-ზე მეტ კონკურსანტს შორის თითოეული ქვეყნიდან სამი ფოტოგრაფი შეარჩია. 

კონკურსანტებს ევალებოდათ, წარედგინათ 8-20 ფოტოსგან შემდგარი სერიები, რომლებშიც „ოჯახური კავშირების“ თემა საკუთარი ინტერპრეტაციით უნდა გაეშალათ: როგორ გვაკავშირებს ჩვენი ოჯახი ჩვენს ფესვებთან, კულტურასთან, ტრადიციებთან, მსოფლმხედველობასთან და მომავალთან? რომელი კავშირები განსაზღვრავს ოჯახს და გვაძლევს მიკუთვნებულობის გრძნობას? როგორ ერგება ეს კავშირები ცვალებად სამყაროს, ტექნოლოგიას, კონფლიქტებს, სიყვარულსა და დანაკარგს?

ფინალში მოხვედრილი თითოეული კონკურსანტის ფოტოსერიათა ხილვა EU NEIGHBOURS EAST-ის ვებსაიტის სპეციალურ გვერდებზეა შესაძლებელი. 18 ფინალისტისგან შემდგარი სია ასე გამოიყურება:

სომხეთი

ნაზიკ არმენაკიანი – ჩემი ომი (ფრაგმენტული გამოცდილება)

მანე ჰოვჰანისიანი – ფაბულა

ჰრანტ ხაჩატრიანი – ახლად შობილი

აზერბაიჯანი

ორხან აზიმოვი – განათლებისგან დაშორებული

აზიზ კარიმოვი – აზერბაიჯანი კორონავირუსის აფეთქებასთან გასამკლავებელ ზომებს მიმართავს 

ილკინ იაგუბოვი – გადახლართულობა

ბელარუსი

პაშა კრიტჩკო – ბელარუსული კავშირები

ვერანიკა მალიაუკა – მოგონებები სახლზე

ტაციანა ტკაჩოვა – დედასამშობლო

საქართველო

ნათელა გრიგალაშვილი – ქართველი მომთაბარეების უკანასკნელი დღეები

ეკატერინე კოლესნიკოვა – დილა ზედმეტად სწრაფად მოდის

თაკო რობაქიძე – „მშვიდობისმყოფელნი“

მოლდოვა

მარია გუცუ – სამშობლო

რამინ მაზური – მარცხენა სანაპირო

კატერინა შოშევა – Sem’ya

უკრაინა

არტემ ჰუმილევსკი – ფესვები

ოლენა მოროზოვა – ბებო

მარისია მიანოვსკა – ო, ძმაო, სად ხარ?

კონკურსი ორგანიზებულია EU NEIGHBOURS EAST პროგრამის მიერ, Fotofestiwal-თან პარტნიორობით. EU NEIGHBOURS EAST ევროკავშირის მიერ დაფინანსებული რეგიონული საკომუნიკაციო პროგრამაა, რომელიც ზრდის ცნობადობას ევროკავშირზე, მის პოლიტიკაზე და მხარდამჭერ პროექტებზე მის აღმოსავლეთ სამეზობლოში. Fotofestiwal ფოტოგრაფიასთან მომუშავე პროფესიონალების კოლექტივად 2001 წელს დაარსდა. მას მერე ის ევროპაში ერთ-ერთ ყველაზე მნიშვნელოვან ფოტოგრაფიულ ფესტივალად იქცა.