Gənc Avropa Səfiri Azərbaycanda

Mən Gənc Avropa Səfirləri haqqında eşitmişəm, amma onların kim olduğunu və nə etdiklərini bilmirəm

“Gənc Avropa səfirləri” (YEAs) təşəbbüsü, Azərbaycan, Belarus, Ermənistan, Gürcüstan, Moldova, Ukrayna və Aİ-yə Üzv Ölkələrdən və Birləşmiş Krallıqdan olan gənclər arasında dostluq münasibətləri quran və onları bir-birləri ilə əlaqələndirən qeyri-siyasi, könüllü və dinamik bir kommunikasiya şəbəkəsidir. Şəbəkənin məqsədi, Aİ-nin Şərq Tərəfdaşlığı ölkələri ilə əməkdaşlığı haqqında məlumatlılığı artırmaq, bu əməkdaşlığın gözəçarpan nəticələrini nümayiş etdirmək, müxtəlif mövzularda siyasi dialoqa töhfə vermək, vətəndaş fəallığını artırmaq və daha yaxşı gələcək üçün birlikdə çalışmaqdır.

YEAs təşəbbüsü 2016-cı ilin iyun ayında “EU NEIGHBOURS east” layihəsi çərçivəsində icra olunmağa başlayıb və bu günə qədər 30 müxtəlif ölkədən 2 400-dən artıq gənc bu təşəbbüsə qoşulub.

The YEAs initiative was established in June 2016 as part of the ‘EU NEIGHBOURS east’ project and has involved more than 2,600 young people from over 30 different countries to date.

Gənc Avropa səfirləri arasında tələbələr, gənc mütəxəssislər və ictimaiyyətdə tanınan fəallar var. Onlar ölkə daxilində və onlayn olaraq yüzlərlə tədbirdə iştirak etmək üçün vaxtlarını sərf edirlər. Buraya toxunaraq onların PROFİLLƏRİNƏ baxın.

YEAs təşəbbüsü üzvlərinə könüllülük proqramlarında iştirak, karyeranın qurulması və gənc liderlik mövzularında proqramlarda iştirak təklif edir. Onlar aşağıdakı fəaliyyətlərdə iştirak edir və töhfə verirlər:

• “EuroClub”lar Azərbaycanda iki “EuroClub” (Bakıda və Sumqayıtda) fəaliyyət göstərir. Bu “Euroclub”larda benefisiarlara bacarıqların artırılması üçün kurslar, fərdi inkişaf, karyeranın qurulması və “yaşıl” gələcək üçün dayanıqlı texnoloji həllər üzrə məlumatlandırma tədbirləri keçirilir. 
• Gənclər təşkilatları ilə əməkdaşlıq Azərbaycandakı Gənc Avropa səfirləri Gənclər təşkilatları ilə birgə fəaliyyətlər təşkil edirlər, eləcə də daha geniş miqyaslı gənclər tədbirlərinə qatılırlar. Belə fəaliyyətlərə təqdimatlar, seminarlar, təlim kursları, ictimai sərgilərdə iştirak və s. daxildir.
• Azərbaycanlı gənclər üçün icma üzvlərinin cəlb olunmasına yönəlmiş müxtəlif fəaliyyətlər Buraya müsabiqələr, filmlərin izlənilməsi, xeyriyyə tədbirləri, panel müzakirələr, viktorinalar və s. fəaliyyətlər daxildir.
• Beynəlxalq tədbirlər Buraya Avropa gənclər təşkilatlarının tədbirləri, Şərq Tərəfdaşlığı konfransları, Aİ-yə tanışlıq xarakteri daşıyan səfərlər və region boyunca və Aİ-yə üzv ölkələrdə seminarlar daxildir.

Gənc Avropa Səfiri olsam nə əldə edirəm?

“Gənc Avropa səfiri” olaraq yeni, sizinlə həmfikir, parlaq zəkalı gənclərlə görüşmək və peşəkar bacarıqlarınızı inkişaf etdirmək imkanı əldə edəcəksiniz. Ölkənizdən və digər ölkələrdən olan və sizinlə eyni fikir və maraqları bölüşən gənclərlə tanış olacaqsınız. Bütün ölkə boyunca səyahət edərək başqa insanlarla Avropa İttifaqı, onun ölkənizlə tərəfdaşlığı və təklif etdiyi imkanlar haqqında söhbətlər aparacaqsınız. Bütün bunlar komanda işi, layihələrin planlaşdırılması və həyata keçirilməsi, tədbirlərin təşkili, təqdimatlar və ictimai nitq, dillər və ünsiyyət, məzmunun yaradılması və s. sahələrdə bacarıqlarınızı təkmilləşdirməyə kömək edəcək. Bunlar sizin gələcək karyeranızda mühüm əhəmiyyət kəsb edən bacarıqlardır!

Siz həmçinin dinamik və inklüziv dəstək sistemindən yararlana biləcəksiniz:

•         İdeayaları bölüşmək, yadda qalan günlər yaşamaq və dostlar qazanmaq üçün gənc və yaradıcı könüllülərdən ibarət inklüziv və pozitiv komanda.
•         YEA mentorları – fərdi bələdçilik üçün.
•         YEA koordinatorları tərəfindən fərdi təşəbbüsləri reallaşdırmağa kömək etmək üçün inzibati və logistik dəstək.
•         YEA Akademiyasında iştirak – kommunikasiyalar, strategiya, məzmunun yaradılması, mediada işıqlandırılma ilə bağlı təcrübəli mütəxəssislər tərəfindən məlumat və koaçinq.
•         Veb-sayt və sosial media platformaları – auditoriyalarla paylaşılacaq mövzuların seçilməsi, əlaqələndirmə və qarşılıqlı əlaqələrin qurulması.

Öz icmanızda fəal olmaqla dostlarınız, ailəniz və ətrafınıza hansı cəmiyyətdə yaşamaq istədiyinizi göstərmək şansı əldə edəcəksiniz. Ətrafınızdakı insanların hüquq və imkanlarını artıra və onların həyatına təsir göstərə biləcəksiniz!

Nəhayət və ən əsası, Gənc Avropa Səfiri olmaqla özünüzə yeni dostlar tapacaq, bilik və təcrübələrinizi bölüşəcək və ya sadəcə özünüzü və sizi əhatə edən dünyanı kəşf edəcəksiniz!

Gənc Avropa Səfiri kimi çalışsam məvacib ala biləcəyəm?

“Gənc Avropa Səfirləri” təşəbbüsü könüllü fəaliyyətdir və buna görə məvacib ödənilmir.

Gənc Avropa Səfirlərinin təşkil etdiyi tədbirlər “EU NEIGHBOURS east” layihəsi tərəfindən maliyyələşdirilir. Buraya interaktiv seminarlar keçmək üçün məktəb və universitetlərə səfərlərin təşkili, ətraf mühit ilə bağlı fəaliyyətlər (ağac əkmək, müəyyən bir sahəni təmizləmək və s.), xaricdə keçirilən beynəlxalq tədbirlərdə iştirak və digər fəaliyyətlər daxildir.

Mən Gənc Avropa Səfiri olmaq istəyirəm. Necə müraciət etməliyəm?

Aşağıdakı tələblərə uyğun şəxslər müraciət edə bilərlər:

• Hər hansı Aİ üzv dövlətinin, Birləşmiş Krallıq və ya altı Şərq Tərəfdaşlığı ölkəsindən birinin (Azərbaycan, Ermənistan, Belarus, Gürcüstan, Moldova və Ukrayna) vətəndaşı olmaq.
• 16-26 yaş arasında olmaq.
• İngilis dili biliyi yaxşı səviyyədə olmalı.
• Aİ-nin fəaliyyəti və yaşadığı ölkənin Aİ ilə tərəfdaşlığı və əməkdaşlığında maraqlı olmaq
• İctimai diplomatiya və ideyaların təbliği istiqamətində fəaliyyətlərdə maraqlı olmaq, bilik, bacarıq və məlumatları bölüşməyə hazır olmaq.
• Öz ölkəsinin və cəmiyyətinin inkişafına töhfə verməkdə həvəsli olmaq.
• Könüllülük fəaliyyətlərində maraqlı olmaq və vətəndaş cəmiyyətinin cəlb olunduğu fəaliyyətlərə kifayət qədər vaxt ayırmağa hazır olmaq.

Seçim meyarları və tez-tez verilən suallar barədə buradan oxuya bilərsiniz. Hər il keçirilən ərizə qəbuluna buradan qoşula bilərsiniz. Ərizələrin son qəbulu tarixi 3 noyabr 2025-ci ildir.

Gənc Avropa səfirləri necə seçilir?

Gənc Avropa Səfiri olmaq üçün müəyyən prosedurdan keçmək tələb olunur. İlk növbədə hər il keçirilən ərizə qəbulu vasitəsilə Gənc Avropa səfiri olmaq üçün marağınızı bildirməlisiniz. Ərizə qəbulu dayandırıldıqdan sonra namizədlərin iştirakının tələb olunduğu daha bir neçə mərhələ var. Seçilmiş namizədlər müsahibəyə dəvət olunacaq, daha sonra müsahibədən uğurla keçən namizədlər əlavə məlumat (məsələn, profil şəkli, razılıq forması imzalamaq, veb-sayt profili üçün təsvir hazırlamaq və s.) verməyə dəvət olunacaqlar və son addım kimi, profilləri əlavə təsdiq üçün rəsmi maraqlı tərəflərə göndəriləcək. Ərizə qəbulunun dayandırıldığı gündən sonra yekun nəticələrin elan edilməsi üçün təxminən səkkiz həftə tələb oluna bilər. Proses müəyyən qədər vaxt tələb edə bilər, amma səsləndiyindən daha asandır!

Azərbaycanda neçə Gənc Avropa Səfiri var? Bu vaxta qədər onlar hansı işləri görüblər?

Azərbaycanda 128 “Gənc Avropa Səfiri” var. Onlarla tanış olmaq üçün buraya klikləyin!

Bu günə qədər Azərbaycanlı YEAs-lar 200-ə yaxın icma üzvlərinin cəlb olunması üzrə fəaliyyətlər təşkil ediblər və ya həmin fəaliyyətlərdə iştirak ediblər. Məsələn, regiona səfəri zamanı Avropanın Genişlənmə üzrə Komissarı Marta Kos Azərbaycandakı Gənc Avropa səfirləri ilə görüşüb və gənclərin iştirakı, Avropa dəyərləri və regional əməkdaşlıq məsələlərini müzakirə edib. Müzakirələr Bakının tarixi hissəsi olan İçərişəhərdə baş tutub və burada Gənc Avropa səfirləri mədəni müxtəliflik və Aİ ilə Azərbaycan arasında əlaqələrin möhkəmləndirilməsində gənclərin rolu ilə bağlı fikirlərini bölüşüblər.

Digər fəaliyyətlərə aşağıdakılar daxildir:

• Təhsil və təqaüd imkanları daxil olmaqla Aİ və onun gənclərə yaratdığı imkanlar haqqında gəncləri məlumatlandırmaq üçün ictimai tədbirlər
• Ətraf mühit ilə bağlı fəaliyyətlər.
• Mədəniyyət və qarşılıqlı anlaşma
• Beynəlxalq və ictimai diplomatiya sahəsində tədbirlər

Onların FƏALİYYƏTİNƏ buradan nəzər sala bilərsiniz.

Mən Gənc Avropa Səfiri ola bilmərəm, amma onların fəaliyyətlərində iştirak etmək istəyirəm. Bu mümkündür?

BƏLİ! Gənc Avropa Səfiri olmasanız belə, YEAs tərəfindən təşkil olunan tədbirlərdə iştirak edə bilərsiniz. Belə tədbirlərə marağınız var? Cavabınız müsbətdirsə, aşağıdakı vasitələr ilə yenilikləri qaçırmayın:

• EU NEIGHBOURS east rəsmi Facebook və İnstagram səhifələrini bəyənin və izləyin – biz ölkənizdəki Gənc Avropa Səfirləri ilə əlaqə yaratmaq üçün yeni yollar haqqında mütəmadi olaraq məlumat paylaşırıq!

• Facebook-da “Gənc Avropa Qonşuluğu” şəbəkəsinə qoşulun  – Gənc Avropa Səfirləri haqqında xəbərləri qaçırmayın və istənilən müsabiqə və yarışmalarda iştirak edin!