Aİ-nin Ukrayna, Moldova və Gürcüstana doğru genişlənməsinə dair xüsusi səhifə istifadəyə verilib

14-15 dekabr tarixlərində Aİ liderləri Brüsseldə keçiriləcək Avropa İttifaqı Şurasının iclası çərçivəsində Aİ-nin genişlənmə siyasətini, o cümlədən Ukrayna, Moldova və Gürcüstan ilə bağlı növbəti addımları müzakirə edəcəklər. “EU NEIGHBOURS east” layihəsi ittifaqın genişlənməsi, qoşulma prosesi və ölkələrin irəliləyişlərini ətraflı şəkildə təsvir edən səhifə hazırlayıb.

Bu səhifə Aİ-nin Ukrayna, Moldova və Gürcüstana doğru genişlənməsi adlanır və burada Ukrayna və Moldova ilə üzvlüyə dair danışıqlara başlanmasını və Gürcüstanın müəyyən addımları yerinə yetirdiyi təqdirdə bu ölkəyə namizəd ölkə statusunun verilməsini tövsiyə edən 2023-cü il üzrə genişlənmə paketi, eləcə də genişlənmə prosesi və hər bir ölkənin irəliləyişləri haqqında ətraflı məlumatlar yer alır. Bu məzmun Erməni, Azərbaycan, Belarus, Gürcü, Rumın, Ukrayna və Rus dillərində də mövcuddur.

Genişlənməyə dair səhifədə ümumi traixçə, əsas faktlar və izahlar, o cümlədən genişlənmə prosesi və Aİ-nin Gürcüstan, Moldova və Ukrayna ilə münasibətləri haqqında əlavə məlumat verən Avropa Komissiyasının orijinal hesabatlarına və resurslarına keçidlər də var.

Daha çox öyrən

Genişlənməyə dair səhifə

Avropa İttifaqı Şurasının 14-15 dekabr tarixlərindəki iclası