ევროკავშირის გაფართოება უკრაინისთვის, მოლდოვისა და საქართველოსთვის: პროცესის დეტალებზე სპეციალური გვერდი შეიქმნა
14-15 დეკემბერს ევროკავშირის ლიდერები ბრიუსელში ევროპული საბჭოს შეხვედრაზე შეიკრიბებიან და ევროკავშირის გაფართოების პოლიტიკას განიხილავენ. რადგან განხილვა უკრაინის, მოლდოვის რესპუბლიკისა და საქართველოსთვის მომდევნო ნაბიჯების განსაზღვრასაც შეეხება, EU NEIGHBOURS east პროგრამამ მოამზადა სპეციალური გვერდი, რომელზეც გაფართოების პროცესია ახსნილი და ქვეყნების მიერ გაწევრიანებისკენ გადადგმულ ნაბიჯებზეა მოთხრობილი.
გვერდი — ევროკავშირის გაფართოება უკრაინისთვის, მოლდოვისთვის და საქართველოსთვის — გაგაცნობთ 2023 წლის გაფართოების პაკეტს, რომელმაც გასცა რეკომენდაცია, დაიწყოს გაწევრიანების მოლაპარაკებები უკრაინასა და მოლდოვასთან და მიენიჭოს საქართველოს კანდიდატი ქვეყნის სტატუსი იმ დათქმით, რომ ქვეყანა გარკვეულ ნაბიჯებს გადადგამს. გვერდზე ასევე ახსნილია ევროკავშირის გაფართოების პროცესი და თითოეული ქვეყნის მიერ დღეისთვის მიღწეული პროგრესი. მასალა ასევე ხელმისაწვდომია ქართულ, აზერბაიჯანულ, ბელარუსულ, რუმინულ, სომხურ, უკრაინულ და რუსულ ენებზე.
გაფართოების გვერდი მოიცავს ზოგად ინფორმაციას, მთავარ ფაქტებსა და განმარტებებს. აქვეა თავმოყრილი ევროკომისიის ანგარიშებსა და იმ რესურსებზე გადასასვლელი ბმულებიც, რომლებიც გაფართოების პროცესზე და ევროკავშირის საქართველოსთან, მოლდოვასა და უკრაინასთან ურთიერთობაზე მოგაწვდით დამატებით დეტალურ ინფორმაციას.
დამატებითი ინფორმაცია
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
