Borrel: Azərbaycanın Laçın dəhlizində sərhəd-buraxılış məntəqəsi qurması Aİ-nin gərginliyi azaltmaq səylərinə ziddir 

Azərbaycan tərəfindən Laçın dəhlizi boyunca birtərəfli qaydada sərhəd-buraxılış məntəqəsinin yaradılması Avropa İttifaqının gərginliyin azaldılması və problemlərin dialoq yolu ilə həll edilməsi çağırışlarına ziddir. Bu sözləri Aİ-nin Ali Nümayəndəsi Cozep Borrel dünən özünün Twitter hesabında paylaşıb. 

Aprelin 23-də Azərbaycan Laçın dəhlizində sərhəd-buraxılış məntəqəsinin quraşdırıldığını elan edib. Bu, Ermənistanı mübahisəli Dağlıq Qarabağ bölgəsi ilə birləşdirən yeganə yoldur.

“Aİ Cənubi Qafqazda sülh və sabitliyi təşviq etməkdə davam edir. Qarabağ ermənilərinin hüquqları və təhlükəsizliyi təmin edilməlidir”, – deyə Borrel bildirib.