Aİ bir daha Azərbaycanı Laçın dəhlizi boyunca sərbəst və təhlükəsiz hərəkəti təmin etməyə çağırır 

Avropa İttifaqı (Aİ) bir daha Azərbaycan hökumətini və bütün məsul şəxsləri Beynəlxalq Ədalət Məhkəməsinin (ICJ) çıxardığı müvafiq məcburedici qərara uyğun olaraq Laçın dəhlizi boyunca hərəkətin azadlığını və təhlükəsizliyini təmin etməyə çağırıb.

Qərarda qeyd olunur ki, Azərbaycan “Laçın dəhlizi boyunca hər iki istiqamətdə insanların, nəqliyyat vasitələrinin və yüklərin maneəsiz hərəkətini təmin etmək üçün əlində olan bütün tədbirləri görməlidir”.

 “Aİ hələ də Laçın dəhlizində davam edən maneələrdən və yerli mülki əhali üçün bunun nəticəsində yaranan humanitar nəticələrdən narahatdır. Azərbaycanın dəhlizdən istifadə ilə bağlı bütün narahatlıqları müstəsna olaraq dialoq yolu ilə həll edilə bilər və həll edilməlidir”,- Avropa İttifaqının Xarici Fəaliyyət Xidmətinin bəyanatında belə deyilir.

Aİ, həmçinin yerli əhaliyə qaz, elektrik enerjisi və digər xidmətlərin fasiləsiz təmin olunmasının vacibliyini vurğulayır və qeyd edir ki, Cənubi Qafqazda sülh və təhlükəsizliyin möhkəmləndirilməsi üzrə səyləri dəstəkləməkdə ən yüksək səviyyədə iştirak edir. 

Daha çox öyrən

Mətbuat üçün açıqlama