Այցելություն Բրյուսել Արեւելյան գործընկերության գործարարության աջակցման կազմակերպությունների համար. դիմումներն ընդունվում են մինչեւ փետրվարի 7-ը

«ԵՄ-ն՝ բիզնեսի համար. միավորելով ընկերություններին» (EU4BCC) ծրագիրը հրավիրում է Արեւելյան գործընկերության (ԱլԳ) տարածաշրջանի գործարարությանն աջակցող կազմակերպություններին (ԳԱԿ)՝ միանալու մեկշաբաթյա ուսումնական այցին Բրյուսել:

ԳԱԿ-երի համար նախատեսված այս բաց դռների ծրագիրն ուղղված է նրանց շահերի պաշտպանության հմտությունների զարգացմանը, տնտեսական աճի հանգեցնող քաղաքականության վրա ազդելու մեթոդների յուրացմանը եւ ԵՄ-ում գործնական կապերի ընդլայնմանը:

2024 թվականի մարտի 17-ից 22-ը ԳԱԿ-երը կկարողանան.

• անցնել ՓՄՁ քաղաքականության ոլորտում քաղաքականություն մշակողների հետ աշխատանքի մեթոդների վերաբերյալ վերապատրաստում.
• այցելել Եվրոպական խորհրդարան եւ հանդիպել ու քննարկումներ ունենալ ԵԽ պատգամավորների հետ.
• մասնակցել ԵՄ ընդլայնմանը նվիրված համաժողովին:

Դիմումների ընդունման վերջնաժամկետը ս.թ. փետրվարի 7-ն է։

«ԵՄ-ն՝ բիզնեսի համար. միավորելով ընկերություններին» (EU4BCC) ծրագիրը ֆինանսավորվում է ԵՄ-ի «ԵՄ-ն՝ բիզնեսի համար» (EU4Business) նախաձեռնության շրջանակներում: Ծրագիրն ուղղված է աջակցելու ԱլԳ երկրներում կայուն տնտեսական զարգացմանը եւ աշխատատեղերի ստեղծմանը՝ օգնելով ՓՄՁ-ներին ընդլայնել իրենց առեւտրի ծավալները, ներգրավելով ներքին ներդրումներ եւ խթանելով գործարար կապերը ԵՄ ընկերությունների հետ:

Իմացիր ավելին

Մամուլի հաղորդագրություն

Դիմել