Հայաստանում ԵՄ ֆինանսավորմամբ իրականացվող ծրագիրը հայտարարում է ենթադրամաշնորհի հայտերի ընդունում՝ ուղղված հաշմանդամություն ունեցող կանանց անվտանգության ու բարեկեցության բարելավմանը

ՕքսԵՋեն հիմանդրամի ու գործընկերների կողմից ԵՄ ֆինանսական աջակցությամբ իրականացվող «ՀԱՎԱՍԱՐ – ԵՄ-ն հանուն կանանց իրավազորման Հայաստանում» ծրագիրը մեկնարկել է ենթադրամաշնորհի հայտերի մրցույթ քաղաքացիական հասարակության հայաստանյան կազմակերպությունների շրջանում։

Մրցույթը նպատակ ունի բարելավելու հաշմանդամություն ունեցող կանանց անվտանգությունն ու բարեկեցությունը՝ իրազեկության բարձրացման եւ բռնության ու խտրականության նվազեցման ծառայությունների բարելավման միջոցով:

Կշնորհվի միայն մեկ ենթադրամաշնորհ՝ 20,000 եվրոյի չափով: Մրցույթին կարող են մասնակցել Հայաստանում օրինականորեն գրանցված, մրցույթին թեմային համապատասխան փորձ ունեցող ոչ առեւտրային կազմակերպությունները:

Գործողությունները կարող են ներառել հանրային իրազեկման արշավներ, աշխատաժողովներ, կոնֆերանսներ, դասընթացներ՝ հաշմանդամություն ունեցող կանանց համար, ինչպես նաեւ դասընթացներ՝ ծառայություններ մատուցողների, պետական եւ ոչ պետական հաստատությունների եւ տարբեր շահագրգիռ կողմերի համար:

2024 թվականի ապրիլի 29-ին, ժամը՝ 11:00-ին, Zoom հարթակի միջոցով կկազմակերպվի առցանց տեղեկատվական հանդիպում:

Հայտերը ներկայացնելու վերջնաժամկետը մայիսի 7-ն է։

«ՀԱՎԱՍԱՐ» ծրագիրը միտված է բարձրացնելու կանանց դերը եւ իրավազորելու նրանց՝ երկրում սոցիալական փոփոխությունների հասնելու համար։ Դրա համար «ՀԱՎԱՍԱՐ»-ն արձագանքում է կանանց խոցելի խմբերի ուղղակի կարիքներին՝ ապահովելով որակյալ աջակցության ծառայությունների եւ տնտեսական ռեսուրսների հասանելիություն,ձեռներեցության կարողությունների զարգացում, աշխատանքային հարաբերությունների հավասար հասանելիություն եւ տնտեսական ինքնազարգացման նոր հնարավորություններ:

Ծրագիրն իրականացվում է ՕքսԵՋեն հիմնադրամի, «Եվրոպական գործընկերություն հանուն ժողովրդավարության» ՀԿ-ի, «Նիդեռլանդների հելսինկյան կոմիտե» ՀԿ-ի, «Կանանց աջակցման կենտրոն» ՀԿ-ի, «ՎԻՆՆԵԹ Գորիս» զարգացման հիմնադրամի կողմից՝ «Վիննեթ Շվեդիա» ՀԿ-ի հետ համագործակցությամբ:

Իմացիր ավելին

Մամուլի հաղորդագրություն