Şərq Tərəfdaşlığı ölkələrinin biznesə dəstək təşkilatları üçün Brüsselə səfər – 7 fevraladək müraciət edin

“EU4Business: Şirkətlərin əlaqələndirilməsi” (EU4BCC) layihəsi Şərq Tərəfdaşlığı (ŞT) ölkələrində fəaliyyət göstərən Biznesə dəstək təşkilatlarını (BDT-lər) Brüsselə bir həftəlik maariflənmə xarakteri daşıyan səfərdə iştirak etməyə dəvət edir.

Təşəbbüsün məqsədi BDT-lərin maraqların müdafiəsi bacarıqlarını gücləndirmək, onlara iqtisadi inkişafa yönəlmiş siyasətlərə təsir etməyi öyrətmək və Aİ-də şəbəkələrinin genişləndirilməsinə kömək etməkdir.

17-22 mart arası baş tutacaq səfərdə BDT-ləri nə gözləyir:

• Kiçik və orta ölçülü sahibkarlıq müəssisələr üzrə siyasətin formalaşdırılmasında qanunvericilər ilə əməkdaşlığa həsr olunmuş təlimdə iştirak;
• Avropa Parlamentinin üzvləri ilə görüş və beyin fırtınası sessiyası;
• Aİ-nin genişlənmə siyasətinə dair konfransda iştirak.

Ərizə ilə müraciət üçün son tarix 7 fevraldır.

“EU4Business: Şirkətlərin əlaqələndirilməsi” (EU4BCC) layihəsi Aİ-nin EU4Business təşəbbüsü çərçivəsində maliyyələşdirilir. Layihə KOB-lara ticarətin həcmini artırmağa yardım etməklə, daxili investisiyaları cəlb etməklə və Aİ şirkətləri ilə biznes əlaqələrini gücləndirməkdə kömək etməklə Şərq Tərəfdaşlığı ölkələrində davamlı iqtisadi inkişafı və iş yerlərinin yaradılmasını dəstəkləyir.

Daha çox öyrən

Mətbuat üçün açıqlama

Müraciət forması