EU4Business ბიზნესის მხარდამჭერ ორგანიზაციებს ბრიუსელში სასწავლო ვიზიტზე იწვევს — შეიტანეთ განაცხადი 7 თებერვლამდე 

პროექტი, „EU4Business: კომპანიების დაკავშირება“ (EU4BCC), აღმოსავლეთ პარტნიორობის რეგიონში მოქმედ ბიზნესის მხარდამჭერ ორგანიზაციებს (BSOs) ბრიუსელში გამართულ ერთკვირიან სასწავლო ვიზიტში მონაწილეობის მისაღებად იწვევს.

ღია კარის პრინციპით მოქმედი მობილობის პროგრამა მიზნად ისახავს, დაეხმაროს  ბიზნესის მხარდამჭერ ორგანიზაციებს, გაიუმჯობესონ ადვოკატირების უნარები, ისწავლონ ეკონომიკური ზრდის ხელშემწყობი გადაწყვეტილებების მიღებაზე გავლენის მოხდენა და დაამყარონ საქმიანი კავშირები ევროკავშირის შიგნით. 

2024 წლის 17 მარტიდან 22 მარტამდე პერიოდში  ბიზნესის მხარდამჭერ ორგანიზაციებს მიეცემათ საშუალება:

• მიიღონ ტრენინგი იმაზე, თუ როგორ იმუშაონ მცირე და საშუალო ზომის საწარმოების სფეროზე ზეგავლენის მქონე პოლიტიკის განმსაზღვრელებთან;
• ეწვიონ ევროპარლამენტს და შეხვდნენ პარლამენტის წევრებს სამუშაო სესიების ფორმატში;
• დაესწრონ კონფერენციას ევროკავშირის გაფართოების თემაზე.

განაცხადების მიღების ბოლო ვადაა 7 თებერვალი. 

EU4BCC ევროკავშირის EU4Business ინიციატივის ფარგლებში ფინანსდება. პროექტი აღმოსავლეთ პარტნიორობის ქვეყნებში მდგრადი ეკონომიკური განვითარებისა და სამუშაო ადგილების შექმნის მხარდაჭერას ისახავს მიზნად. ამისთვის ის ეხმარება მცირე და საშუალო საწარმოებს, გაზარდონ ვაჭრობა, მოიზიდონ ინვესტიციები და დაამყარონ ბიზნესკავშირები ევროკავშირში მოქმედ კომპანიებთან. 

დამატებითი ინფორმაცია

პრესრელიზი 

განაცხადის ფორმა