Լեհաստանում մեկնարկած Երիտասարդ առաջնորդների եվրոպական ֆորումին միացել են ավելի քան 50 երիտասարդ եվրոպական դեսպաններ

Լեհաստանում մեկնարկած Երիտասարդ առաջնորդների եվրոպական ֆորումին միացել են ավելի քան 50 երիտասարդ եվրոպական դեսպաններ

26 Ապրիլի, 2022

Լեհաստանի Կատովիցե քաղաքում ապրիլի 25-ից 27-ն ընթացող Եվրոպական տնտեսական կոնգրեսի շրջանակներում կազմակերպված «Երիտասարդ առաջնորդների եվրոպական ֆորում» եռօրյա համաժողովին մասնակցում են ավելի քան 50 երիտասարդ եվրոպական դեսպաններ, որոնցից 20-ը՝ Ուկրաինայից: Ֆորումին մասնակցում են շուրջ 200 երիտասարդ առաջնորդներ ԵՄ-ից ու հարևան երկրներից, ովքեր կունենան Եվրոպայում երիտասարդական համագործակցության տարբեր կարևոր ասպեկտներին նվիրված պանելային քննարկումներ և թեմատիկ աշխատաշրջաններ՝ առանձնակի ուշադրություն դարձնելով ուկրաինացի երիտասարդության իրավիճակին:

Ֆորումի գաղափարն է տարածք տրամադրել Եվրոպական միության, Արևմտյան Բալկանների և Արևելյան գործընկերության երկրների նախաձեռնող երիտասարդ ակտիվիստներին՝ իրենց փորձով կիսվելու, ծանոթությունների շրջանակն ընդլայնելու և ողջ Եվրոպայում երիտասարդներին հուզող կարևոր հարցեր քննարկելու նպատակով: Եռօրյա ֆորումին կմասնակցեն երիտասարդ ակտիվիստներ ողջ Եվրոպայից, ինչպես նաև Կոնգրեսին մասնակցող տարածաշրջանային համալսարանների ուսանողներ և ձեռներեցներ:

«Ուկրաինայի դեմ Ռուսաստանի ագրեսիան բոլորովին նոր մարտահրավերներ է ստեղծում Եվրոպայի համար, որոնց հետևանքները մենք ի վիճակի չենք ամբողջությամբ կանխատեսել»,- ասում են կազմակերպիչները։ Ուստի, բոլոր աշխատաշրջանների և աշխատաժողովների համատեքստը լինելու է պատերազմը և ուկրաինական հասարակությանն աջակցելու հնարավորությունները։ «Մեր նպատակն է նաև, որ Ուկրաինայից ֆորումին մասնակցի երիտասարդ առաջնորդների ամենամեծ հնարավոր խումբը, որպեսզի միասին խոսենք քաղաքացիական հասարակությունների մոբիլիզացման մասին՝ Ռուսաստանից եկող սպառնալիքներին հակազդելու համար»:

Օրակարգում ներառված են նաև այլ թեմաներ, այդ թվում՝ ՄԱԿ-ի կայուն զարգացման 2030 օրակարգը և Եվրոպական երիտասարդության 2019-2027 թթ. ռազմավարությունը, ինչպես նաև 2021-2027 թթ. ԵՄ երիտասարդական ծրագրերի թեմատիկ առաջնահերթությունները, ներառյալ ներառականությունը և բազմազանությունը, թվային փոխակերպումը, շրջակա միջավայրը և կլիմայի փոփոխության դեմ պայքարն ու մասնակցությունը ժողովրդավարական կյանքին:

Իմացիր ավելին

Երիտասարդ առաջնորդների եվրոպական ֆորում

Ծրագիր

Երիտասարդ եվրոպական դեսպաններ

SALTO Youth




Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է B&S Europe-ի գլխավորած կոնսորցիումը:

Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© Եվրոպական միություն,