Հայտամրցույթ. մինչեւ 50,000 եվրո ՓՄՁ դրամաշնորհներ շրջանաձեւության համար

Հայաստանում ԵՄ-ի կողմից ֆինանսավորվող մրցույթն ընդունում է հայտեր հայկական փոքր եւ միջին ձեռնարկություններից (ՓՄՁ), որոնք ձգտում են փոխակերպել իրենց բիզնեսը՝ կայուն զարգացման հունով:

«ՓՄՁ դրամաշնորհներ շրջանաձեւության համար» մրցույթը կազմակերպվում է CirculUP! ծրագրի շրջանակներում եւ նախատեսված է ՓՄՁ-ներին հնարավորություն ընձեռելու որդեգրել շրջանաձեւ տնտեսության սկզբունքները եւ փոխակերպել իրենց բիզնեսը:

Ծրագիրը ֆինանսավորվում է Եվրոպական միության կողմից եւ համակարգվում է Իմփաքթ Հաբ Երեւանի, Իմփաքթ Հաբ ցանցի ու «Շրջակա միջավայր եւ առողջություն» հասարակական կազմակերպության կողմից։

Հաջողակ թեկնածուները կստանան մինչեւ 50,000 եվրո դրամաշնորհային ֆինանսավորում, մասնագիտական ուղղորդում, ոլորտի առաջատար մասնագետների կողմից խորհրդատվություն, ինչպես նաեւ կապ կհաստատեն նորարարների համայնքի հետ։

Մրցույթը բաց է առնվազն 3 տարի եւ ավելի գործող, իրավաբանորեն գրանցված (ՍՊԸ, ԲԲԸ, ԱՁ), նախորդ տարում առնվազն 10,000,000 ՀՀ դրամի եկամուտ ունեցած եւ հասարակությունում դրական ազդեցություն ունենալ ձգտող փոքր ու միջին ձեռնարկությունների համար։

Դիմելու վերջնաժամկետը ս.թ. սեպտեմբերի 2-ն է։

Իմացիր ավելին

Մամուլի հաղորդագրություն