YEA10. Երիտասարդ եվրոպական դեսպանները տոնում են կապի, ոգեշնչման եւ փոփոխությունների տասնամյակը

Տասը տարի առաջ այս օրը՝ 2016 թվականի հունիսի 16-ին, գործարկվեց «Երիտասարդ եվրոպական դեսպաններ» (YEA) ցանցը, որին իրենց մասնակցությունը բերեցին վեց գործընկեր երկրներից՝ Հայաստանից, Ադրբեջանից, Բելառուսից, Վրաստանից, Մոլդովայից եւ Ուկրաինայից, ինչպես նաեւ Եվրոպական միությունից ընտրված առաջին 100 դեսպանները: Այդ տարի ցանցն իրականացրեց յոթ միջոցառում՝ ընդգրկելով 7,000 մարդու: Տասը տարի անց՝ ցանցին իրենց մասնակցությունն են բերել 3,000 դեսպաններ՝ մասնակցելով 7,000 միջոցառումների եւ ընդգրկելով 20 միլիոն մարդու ամբողջ տարածաշրջանում։

Այս հոբելյանի առթիվ EU NEIGHBOURS east-ը մեկնարկում է արշավ՝ ներկայացնելու երիտասարդ եվրոպացիների տաղանդավոր սերնդի ձայներն ու նվաճումները, ովքեր ուղեկցել են տարածաշրջանում տեղի ունեցած կարեւորագույն փոփոխությունների տասնամյակը՝ բարձրացնելով ԵՄ աջակցության մասին իրազեկվածությունը եւ տարածելով եվրոպական արժեքներ իրենց համայնքներում։

Վերջին տասնամյակի ընթացքում երիտասարդ եվրոպական դեսպանները նպաստել են ԵՄ-ի եւ նրա արեւելյան հարեւանների գործընկերության, ընդհանուր արժեքների, ինչպես նաեւ ավելի լավ կյանքի համար հնարավորությունների վերաբերյալ իրազեկվածության բարձրացմանը: Նրանք հանդես են եկել հանուն ժողովրդավարության, շրջակա միջավայրի եւ տղամարդկանց եւ կանանց իրավահավասարության: Նրանք անխոնջ կերպով աշխատել են միասին՝ փոխադարձ համերաշխություն ցուցաբերելով միմյանց պայքարի նկատմամբ, ինչպես նաեւ ստեղծել են ամուր կապեր:

Առաջիկա ամիսների ընթացքում դեսպանները կպատմեն նախորդ տասնամյակի ժառանգության ու շարունակական նվաճումների մասին.

• YouTube-յան զրույցների շարքի շրջանակում ցանցի շրջանավարտները կպատմեն նախաձեռնության շրջանակներում իրենց ձեռք բերած փորձի, գիտելիքների, ինչպես նաեւ ԵՄ աջակցության ազդեցության մասին։
• Գործընկեր երկրներում գործող ԵՄ դեսպանների հետ զրույցների շրջանակում կներկայացվեն ցանցի ժառանգությունը եւ տեղերում ԵՄ-ի ազդեցությունը, ինչպես նաեւ հարաբերությունների փոփոխության դինամիկան եւ ապագայի հնարավորությունները։
• Սոցիալական ցանցերում դեսպանները կներկայացնեն տարբեր երկրներով շրջող ամսագիրը՝ մասնակցելով դրա պատրաստման աշխատանքներին: Ցանցի հոբելյանին նվիրված տոնակատարությունները կլուսաբանվեն կարճ տեսանյութերի (reels), գրառումների, կարուսելների եւ այլնի միջոցով:
• YEA ամսագրի 2026 թվականի հատուկ թողարկումը կընդգծի տասնամյակի նվաճումները եւ կանդրադառնա Եվրոպայի ապագային։
• EU NEIGHBOURS EAST-ի կայքի հատուկ էջում կներկայացվեն շրջանավարտների պատմությունները, ինչպես նաեւ երիտասարդների համար հասանելի բոլոր արդյունքների եւ ԵՄ հնարավորությունների հղումները։

Այսօր ցանցն ունի գրեթե 1000 անդամ, որոնք ակտիվ գործում են տարածաշրջանում եւ ԵՄ-ում, պահպանում են համերաշխություն Ուկրաինայի հետ, հանդես են գալիս հանուն ընդլայնման, բարձրացնում են ԵՄ հնարավորությունների մասին իրազեկվածությունը եւ լուսաբանում են Բելառուսում եւ Վրաստանում ժողովրդավարության եւ մարդու իրավունքների համար պայքարը։

Ամեն օր կազմակերպվում են նոր միջոցառումներ, որոնք կոչված են նպաստելու համերաշխության, տեղեկացվածության, ցանցերի եւ հնարավորությունների ձեւավորմանը՝ հող նախապատրաստելով հաջորդ 10 տարիների կապի, ոգեշնչման եւ փոփոխությունների համար:

Իմացիր ավելին

YEA10 արշավի էջ

Երիտասարդ եվրոպական դեսպաններ

EU NEIGHBOURS east