EU4 Independent Media Şərq Tərəfdaşlığı ölkələrində araşdırmaçı-jurnalistika sahəsində hər layihəyə 100 000 avro təklif edir
Aİ tərəfindən maliyyələşdirilən “EU4 Independent Media” (Aİ Müstəqil Media Naminə) layihəsi çərçivəsində icra olunan araşdırma jurnalistikasına dəstək proqramı üzrə ərizələrin son qəbulu tarixi iyul ayının 9-dur.
Proqram Azərbaycan, Belarus, Ermənistan, Gürcüstan, Moldova və Ukraynanı əhatə edir və məqsədi ictimai maraq kəsb edən mövzuların təsirli və cəlbedici formada işıqlandırılmasına yardım etməkdir. Layihə təkliflərində korrupsiya və maliyyə sahəsində cinayətlər, mütəşəkkil cinayətkarlıq, ictimai təhlükəsizlik, demokratiya və insan hüquqları, ətraf mühit və iqlim dəyişikliyi, səhiyyə kimi sahələrdə araşdırmalar təqdim oluna bilər.
Proqramda altı Şərq Tərəfdaşlığı ölkəsinin hamısında rəsmi qaydada qeydiyyatdan keçmiş kütləvi informasiya vasitələri, o cümlədən mühacirətdə fəaliyyət göstərən media orqanları, jurnalist və mətbuat azadlığı üzrə qeyri-kommersiya təşkilatları, müstəqil məzmun istehsalı şirkətləri və bu təşkilatların adından fəaliyyət göstərən jurnalist/məzmun istehsalı qrupları iştirak edə bilər.
Hər bir layihə üçün maksimum 100 000 avro ayrılması nəzərdə tutulub.
Maraqlı olan şəxslər onlayn ərizə formasını dolduraraq müraciət etməlidir. Ətraflı öyrənmək üçün seçim kriteriyalarına və tez-tez verilən suallara nəzər salın. Ərizələrin təqdim olunması prosesində yaranan hər hansı əlavə suallarla bağlı [email protected] ünvanı ilə əlaqə saxlamaq mümkündür.
Daha çox öyrən
ÇOX OXUYUR
OXŞAR XƏBƏRLƏR
ƏLAQƏLİ
Avropa Parlamenti Azərbaycanı İlhamiz Quliyev və digər siyasi məhbusları dərhal və qeyd-şərtsiz azad etməyə çağırır
Azərbaycanda bərpa olunan enerji üzrə ilk hərrac keçiriləcək
Bakıda XXI əsrin bacarıqlarına dair təlim keçiriləcək – 17 aprelədək qeydiyyatdan keçin
Xeyr, zaman Rusiyanın xeyrinə işləmir: Borrel Rusiya iqtisadiyyatının müharibə və Aİ-in sanksiyaları səbəbindən çökdüyünü bildirir
Aİ Azərbaycanda mina qurbanlarına həsr olunmuş konfransın təşkilini dəstəkləyib
Bu məlumat Məsuliyyətdən imtina və Şəxsi məlumatların qorunmasına dair qaydalara tabedir. © European Union,
