Azərbaycanda bərpa olunan enerji üzrə ilk hərrac keçiriləcək

Azərbaycanın Energetika Nazirliyi Avropa Yenidənqurma və İnkişaf Bankının (AYİB) dəstəyi ilə Qobustanda 100 MVt gücündə günəş elektrik stansiyasının layihələndirilməsi üzrə ölkənin ilk bərpa olunan enerji üzrə hərracının keçirilməsini elan edir.

Layihələrin qəbulu sözügedən nazirliyin internet səhifəsində aparılır. Hərracda iştirak etməkdə maraqlı olan şirkətlərdən 30 aprel tarixindən 14 iyun tarixinədək ixtisas uyğunluğunun müəyyənləşdirilməsi sənədini tələb etmələri xahiş olunur.

Azərbaycan 2024-cü ilin noyabrında Bakıda BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasına (COP29) ev sahibliyi etməyə hazırlaşır. Bu baxıdan, bu ölkə 2030-cu ilə qədər elektrik enerjisi istehsalı gücündə bərpa olunan enerji mənbələrinin payını ən azı 30 faizə çatdırmağı və kommunal miqyaslı bərpa olunan enerjiyə özəl investisiyalar vasitəsilə yaşıl enerji potensialını üzə çıxarmağı öhdəsinə götürüb.

AYİB Azərbaycanın dekarbonizasiya planlarını dəstəkləyir. Sözügedən bank bu ölkədə innovasiya yönümlü ekoloji layihələrin reallaşdırılmasında mühüm rol oynayıb. Buraya Qaradağda kommunal miqyaslı ilk günəş enerjisi elektrik stansiyasına və Abşeron və Xızıda ölkənin ən böyük külək elektrik stansiyaları layihəsinə investisiya qoyuluşu daxildir.

Bu günə qədər AYİB Azərbaycanda icra olunan 189 layihəyə 3,7 milyard avro məbləğində investisiya yatırıb.

Daha çox öyrən

Mətbuat üçün açıqlama