ონლაინფორუმი გენდერული თანასწორობის და ქალთა უფლებების და შესაძლებლობების გაფართოების საკითხებზე აღმოსავლეთ პარტნიორობის ქვეყნებში

პროექტი, EU4GenderEquality: რეფორმების დახმარების სამსახური, 9-10 თებერვალს ონლაინფორუმს, „გენდერული თანასწორობა და ქალთა უფლებების და შესაძლებლობების გაფართოება აღმოსავლეთ პარტნიორობის ქვეყნებში: სამოქალაქო საზოგადოებრივი ორგანიზაციების როლი და თანამშრომლობის შესაძლებლობები“, გამართავს. ფორუმზე მიწვეულები არიან სამოქალაქო საზოგადოებრივი ორგანიზაციები აზერბაიჯანიდან, ბელარუსიდან, მოლდოვიდან, საქართველოდან, სომხეთიდან და უკრაინიდან.  

ევროკავშირის მიერ დაფინანსებულ  ფორუმს ასევე დაესწრებიან საერთაშორისო ორგანიზაციები, ექსპერტები, მრჩევლები გენდერის საკითხებში და აქტივისტები აღმოსავლეთ პარტნიორობის ექვსივე ქვეყნიდან. ისინი გენდერული თანასწორობის და ქალთა უფლებების და შესაძლებლობების გაფართოების ძირითად საკითხებს  განიხილავენ. ფორუმი, ამასთან, რეგიონის მასშტაბით ინფორმაციის და ცოდნის გაცვლის მიზნით კავშირების გამყარებას შეუწყობს ხელს. 

ონლაინფორუმის ფარგლებში გაიმართება სამოქალაქო საზოგადოებრივი ორგანიზაციების და ექსპერტების საპანელო დისკუსიები ისეთ საკითხებზე, როგორებიცაა ქალთა სოციალური და ეკონომიკური უფლებების გაფართოება, ქალთა მიმართ ძალადობის პრევენციისა და აღმოფხვრის სტრატეგიები და სხვა მნიშვნელოვანი თემები. 

ფორუმში მონაწილეობისთვის შეავსეთ მოკლე სარეგისტრაციო ფორმა და მიიღეთ Zoom-ის მიწვევა ფორუმის ჩატარების წინა დღეს.

დამატებითი ინფორმაცია

EU4GenderEquality: რეფორმების დახმარების სამსახური

პროექტის, EU4GenderEquality: რეფორმების დახმარების სამსახური, ინფოგრაფიკა