EU4Dialogue საქართველოში: სათემო ინიციატივების კონკურსი საზოგადოებრივი ორგანიზაციებისთვის

გაეროს განვითარების პროგრამა (UNDP) ევროკავშირის (EU) ფინანსური მხარდაჭერით, EU4Dialogue-ის II ფაზის ფარგლებში აცხადებს სათემო ინიციატივების კონკურსს და წინადადებების მიღებას საქართველოში მოქმედი სათემო ორგანიზაციებისთვის.

საგარანტო სქემა მხარს დაუჭერს სათემო ინიციატივებს, რომლებიც პასუხობს ადგილობრივ საჭიროებებს მდგრადი მშვიდობის მისაღწევად, და ხელს უწყობს კონფლიქტით დაზარალებული მოსახლეობის მედეგობის გაძლიერებას და ცხოვრების დონის გაუმჯობესებას.

პრიორიტეტული საკონკურსო სფეროებია:

• ახალგაზრდები, მშვიდობა და უსაფრთხოება;
• ქალთა გაძლიერება;
• შეზღუდული შესაძლებლობის მქონე პირთა უფლებები და ინკლუზიური ინფრასტრუქტურა/გარემო;
• ჯანდაცვა და განათლება;
• გარემო, კლიმატი და ენერგეტიკა;
• ტრავმასთან გამკლავება, სოციალური სოლიდარობა და ინკლუზიური განვითარების ინიციატივები;
• ციფრული ჩართულობა;
• ტრანსპორტი და დაკავშირებადობა;

ინიციატივები უნდა აერთიანებდეს კომპონენტებს და აქტივობებს, რომლებიც ხელს უწყობს თემების ჩართულობას, ცოდნის გაზიარებას და ადგილობრივი მონაწილეობის გაძლიერებას.

კონკურსში მონაწილეობა შეუძლიათ ადგილობრივად რეგისტრირებულ არაკომერციულ/არამომგებიან ორგანიზაციებს, რომლებსაც აქვთ კონფლიქტით დაზარალებულ თემებთან მუშაობის გამოცდილება და გრანტით ფინანსურად მხარდაჭერილი აქტივობების განხორციელებისთვის საჭირო პოტენციალი. სათემო ჯგუფებს/საზოგადოებრივ ორგანიზაციებს, რომლებიც არ არიან ოფიციალურად რეგისტრირებული, განაცხადის წარდგენა შეუძლიათ შესაბამის რეგისტრირებულ ორგანიზაციასთან პარტნიორობით.

ინდივიდუალური გრანტების მოცულობაა 23,000-დან 90,000 აშშ დოლარამდე.

განაცხადების წარდგენის ბოლო ვადაა 29 ივნისი.

დაინტერესებული ორგანიზაციებისთვის საკონსულტაციო შეხვედრა ჩატარდება 2026 წლის 12 ივნისს, 11:00-ზე შემდეგ ბმულზე.

პირველი ფაზის გამოცდილებასა და მიღწევებზე დაყრდნობით, EU4Dialogue-ის მეორე ფაზა მიზნად ისახავს კონფლიქტით დაზარალებული თემების მედეგობის გაძლიერებას, ნდობის აღდგენას და სოციალური ერთიანობის ხელშეწყობას. ეს ინიციატივა მხარს უჭერს ადგილობრივ საჭიროებებზე მორგებულ გადაწყვეტილებებს, რომლებიც ხელს უწყობს ადამიანთა უსაფრთხოების გაძლიერებას, კონფლიქტის შემდგომ აღდგენას, თემების გაძლიერებას და მდგრადი მშვიდობის ხელშეწყობას.

დამატებითი ინფორმაცია:

პრესრელიზი