ქუთაისის „მამების სკოლა“ მომლოდინე და ახალბედა მამების ახალ ნაკადს იღებს

ევროკავშირის წარმომადგენლობა საქართველოში მომლოდინე და ახალბედა მამებს ქუთაისის „მამების სკოლის“ პროგრამაში მონაწილეობის მისაღებად იწვევს.

პროგრამა ცხრა გაკვეთილისგან შედგება. მათი საშუალებით მამები უკეთ გაეცნობიან ისეთ საკითხებს, როგორიცაა ორსული პარტნიორის თუ ბავშვის მოვლა, პირველადი დახმარება, გენდერული თანასწორობა, რეპროდუქციული ჯანმრთელობა, კონტრაცეფცია და სხვა.

გაკვეთილები კვირაში ორჯერ, ოთხშაბათობით და შაბათობით ჩატარდება და თითოეული მათგანი 2 საათს გაგრძელდება. პირისპირ შეხვედრების გარდა, ასევე გაიმართება დისტანციური შეხვედრებიც.

„მამების სკოლაში“ დასარეგისტრირებლად საჭიროა ამ ონლაინ ფორმის შევსება. ადგილების რაოდენობა შეზღუდულია.

„მამების სკოლა“ პროგრამის, „ევროკავშირი გენდერული თანასწორობისთვის: ერთად გენდერული სტერეოტიპებისა და გენდერული ძალადობის დასაძლევად“, ნაწილია. ევროკავშირის მიერ დაფინანსებული ეს პროგრამა გაეროს ქალთა ორგანიზაციისა და გაეროს მოსახლეობის ფონდის მიერ ერთობლივად ხორციელდება აღმოსავლეთ პარტნიორობის ექვს ქვეყანაში: აზერბაიჯანში, ბელარუსში, მოლდოვაში, საქართველოში, სომხეთსა და უკრაინაში.

დამატებითი ინფორმაცია

პრესრელიზი

იმავე თემაზე

მამების სკოლები: ინიციატივა, რომელიც ოჯახების კეთილდღეობასა და გენდერულ თანასწორობაზე ზრუნავს